Oljas Bektenov depýtattarǵa Soltústik Qazaqstan oblysynyń ákimi laýazymyna Sátjan Áıtenuly Ablalıev pen Ǵaýez Torsanuly Nurmuhambetovtiń kandıdatýralaryn usyný týraly Qazaqstan Respýblıkasy Prezıdentiniń hatyn oqyp berdi.
Ashyq daýys berýdiń nátıjesinde 56 depýtat Sátjan Ablalıevke, al 118 depýtat Ǵaýez Nurmuhambetovke daýys berdi. Jınalysqa barlyǵy 174 depýtat qatysty. Daýys berý qorytyndysy boıynsha Prezıdent Jarlyǵymen Ǵaýez Torsanuly Nurmuhambetov Soltústik Qazaqstan oblysynyń ákimi bolyp taǵaıyndaldy.
О́ńir aktıvine jańa ákimdi tanystyrǵan Oljas Bektenov Ǵaýez Nurmuhambetovtiń ortalyq jáne jergilikti memlekettik organdarda jaýapty qyzmetter atqarǵanyn jáne mol tájirıbesi bar ekenin atap ótti.
Prezıdent Ákimshiliginiń basshysy óńirdi damytýǵa qosqan úlesi úshin burynǵy oblys ákimi Aıdarbek Saparovqa alǵys aıtty jáne onyń basshylyǵymen aımaqtaǵy agroónerkásip kesheniniń damý qarqyny artqanyn, jańa kásiporyndar ashý, ınvestısııa tartý, týrızm salasyn ilgeriletý baǵytynda aýqymdy jumystar atqarylǵanyn jetkizdi.
Sonymen qatar jıynda Memleket basshysynyń bıylǵy 1 qyrkúıektegi halyqqa Joldaýynda aıtylǵan tapsyrmalaryna erekshe nazar aýdaryldy. Oblystyń jańa basshylyǵyna óńir ekonomıkasyn odan ári damytý, turǵyndardy sapaly aýyz sýmen jáne qajetti áleýmettik ınfraqurylymmen qamtamasyz etý, medısınany damytý, sondaı-aq ekinshi JEO-ny jóndeý jumystaryna qatysty birqatar mindet júktedi.
Kezdesý sońynda Oljas Bektenov Soltústik Qazaqstan oblysynyń ákimi Ǵaýez Nurmuhambetovtiń jaýapty qyzmetine tabys tilep, óńirdi órkendetýge, óz úlesin qosatynyna, oblys turǵyndary men Memleket basshysynyń joǵary senimin aqtaıtynyna úmitti ekenin jetkizdi.
