Foto: Astana ákimdigi
Elordada balalardyń 79,9%-y qosymsha bilimmen qamtyldy, bul kórsetkish ótken jylmen salystyrǵanda 7%-ǵa ósti.
Astanada mektep oqýshylaryn tolyqtaı 2029 jylǵa deıin qosymsha bilim berýmen qamtamasyz etý úshin 15 Oqýshylar saraıyn salý josparlanyp otyr, onyń beseýi aldaǵy eki jylda salynbaq.
Sonymen qatar bilim berý mekemelerinde oqýshylar men olardyń ata-analaryna jan-jaqty psıhologııalyq qoldaý kórsetiledi. Bıylǵy oqý jylynda «Otbasylyq baqyttyń jylýy» atty jańa joba engizilip jatyr, onyń aıasynda ár aıdyń sońǵy senbisinde túrli mamandardyń (mektep ákimshiligi, PMPK, qamqorshylyq keńes, zańgerler, psıhologtar, pán muǵalimderi, logopedter, densaýlyq saqtaý mamandary jáne t.b.) konsýltatıvtik kómegin uıymdastyrý maqsatynda ata-analar úshin ashyq esik kúnderi ótkiziledi.
Sondaı-aq qazan aıynda ádistemelik ortalyq bazasynda ata-analar men bilim alýshylarǵa tegin psıhologııalyq konsýltasııalyq kómek kórsetý boıynsha kabınetter ashylady.
