Memleket basshysy atalǵan sektordy ekonomıkanyń irgetasy retinde baǵalap, Qazaqstan energetıkanyń qaýipsizdigi men táýelsizdigine qatysty máselelermen belsendi aınalysatynyn aıtty.
Sonymen qatar kezdesý barysynda Qazaqstannyń Energetıka mınıstrligi men Siemens Energy kompanııasy arasynda qol qoıylǵan Energetıka salasyndaǵy ózara túsinistik týraly memorandýmnyń mańyzdylyǵy atap ótildi. Bul qujat kompanııanyń elimizdegi energetıka jáne dekarbonızasııa salalaryndaǵy iri energetıkalyq jobalardy júzege asyrýǵa qatysý múmkindigin kózdeıdi.
Qasym-Jomart Toqaev Qazaqstanda gaztýrbınaly elektrostansııalar salý yntymaqtastyqtyń mańyzdy baǵyty ekenine nazar aýdardy. Kompanııa elektr qýatyn óndiretin jobalarǵa (Túrkistan bý-gaz qondyrǵysy, Almaty jylý elektr ortalyǵy) qural-jabdyq jetkizýge daıyn.
Sonymen qatar Krıstıan Brýh Memleket basshysyna Siemens Energy kompanııasy Qazaqstannyń elektr jelilerin jańǵyrtýǵa qatysty joba ázirlep, ony júzege asyrýǵa nıetti ekenin jetkizdi.
