«Barys» pen «Sıbır» bıylǵy turaqty birinshiliktegi birinshi oıynyn 4 qyrkúıekte elordada ótkizip, qonaqtar overtaımda 5:4 esebimen jeńiske jetse, araǵa úsh kún salyp Novosbirdegi matchta aıdyn ıeleri taǵy da «Barysqa» overtaımda opyq jegizdi – 1:0. 23 qyrkúıekte eki ujym muzaıdynda úshinshi márte kezdesip, bul joly da jerlesterimiz «Sıbır» klýbynyń osal tusyn taba almady – 4:2. Al kúni keshe komandalar qyrkúıek aıynda tórtinshi oıynyn ótkizip, Andreı Skabelka shákirtteri taǵy da óz jankúıerlerin jeńispen qýanta almady.
Elordadaǵy «Barys Arena» sport kesheninde ótken básekeni qonaqtar belsendi bastap, kezdesýdiń nebári birinshi mınýtynda-aq oıynnyń esebin ashsa, úzilisten keıin de «Sıbır» hokkeıshileri jerlesterimizge qaraǵanda belsendi oınap, ekinshi kezeń aıaqtalar tusta tablodaǵy kórsetkishti 2:0-ge jetkizdi. Úshinshi kezeńniń aıaqtalýyna eki mınýt qalǵanda Rýdolf Cherveny esep aıyrmasyn qysqartqanymen, jeńisti julyp alýǵa «Barys» oıynshylaryna ýaqyt jetpeı qaldy – 2:1.
