Atalǵan básekede elimizdiń bes sportshysy baq synap jatyr. Jarystyń irikteý kezeńinen bastaǵan áıelder arasyndaǵy Qazaqstannyń ekinshi, álemniń 73-raketkasy Iýlııa Pýtınseva negizgi básekeniń birinshi aınalymynda álemniń 30-raketkasyn tize búktirdi. Chehııalyq Marııa Boýzkovamen sheberlik baıqasqan otandasymyz qarsylasynan eki saǵat 7 mınýtqa sozylǵan tartysty básekede 6:2, 7:6 (7:5) esebimen basym tústi. Iýlııa match barysynda 13 breık-poınttyń beseýin paıdalansa, qarsylasy 2 eıs pen 3 breık (9 breık-poınt) jasady. Endi Iý.Pýtınseva 1/8 fınalǵa shyǵý úshin álemniń 10-raketkasy fransııalyq Karolın Garsııamen kezdesedi.
Al keshe keshkisin elimizdiń birinshi raketkasy Elena Rybakına alǵashqy aınalymda Qytaıda ótip jatqan Azııa oıyndarynyń jekeleı básekesinde top jarǵan qytaılyq Sınven Jenmen oınap, jeńiske jetti. Sondaı-aq erler arasynda baq synap jatqan jerlesterimiz – Denıs Evseev, Mıhaıl Kýkýshkın jáne Beıbit Juqaev irikteý saıystarynyń jartylaı fınaldyq kezdesýlerin ótkizdi.
