Foto: Ashyq derekkóz
Elimizdegi biregeı tájirıbe jahandyq deńgeıde suranysqa ıe boldy, sondyqtan Astana álemdik qoǵamdastyqtyń dinı kóshbasshylarynyń kezdesý orny men dıalog alańyna aınaldy. Qazaqstanda álemdik jáne dástúrli dinder kóshbasshylarynyń Sezin ótkizý týraly bastamasy álemdik qoǵamdastyqta úlken qyzyǵýshylyq týdyrdy. Bul ıdeıaǵa Reseı, AQSh, Anglııa, Fransııa, Egıpet sııaqty alpaýyt elderdiń basshylary, bedeldi saıasatkerler jáne kóptegen dinı konfessııa lıderleri qoldaý bildirdi. Sezdiń úlken jetistigi Qazaqstan búkil álem aldynda shynaıy qoǵamdyq jáne dinaralyq kelisim men birlikke qol jetkizgen el retinde ózin kórsetti.
«Qazirgi ýaqytta 100-den astam etnos Qazaqstanda ózara túsinistik pen kelisim jaǵdaıynda ómir súredi. 18 konfessııanyń 4 myńǵa jýyq dinı birlestigi erkin jumys istep jatyr. Muny bizdiń baǵa jetpes baılyǵymyz ári myzǵymas basymdyǵymyz dep sanaımyz», dedi Prezıdent Qasym-Jomart Toqaev Álemdik jáne dástúrli dinder kóshbasshylarynyń VII sezinde.
2003 jyldan 2022 jylǵa deıin Astanada ótken Álemdik jáne dástúrli dinder kóshbasshylarynyń VII sezine ıslam, hrıstıan, ıýdaızm, býddızm, sıntoızm, daosızm jáne basqa da dástúrli dinderdiń basshylary men din ókilderi qatysty. Dinaralyq dıalog jáne ortaq baǵdarlardy izdeý kontekstindegi barlyq tujyrymdamalyq ıdeıalar birinshi kongresste qabyldandy. Prezıdentimiz Qasym-Jomart Kemeluly Toqaev aıtyp ketkendeı: «Bul bizdiń baǵa jetpes baılyǵymyz jáne ajyramas artyqshylyǵymyz dep sanaımyz. Sezdi ótkizý bizdiń elimizde de, búkil álemde de dıalog pen yntymaqtastyqty nyǵaıtýǵa baǵyttalǵan Qazaqstan saıasatynyń mańyzdy bóligi bolyp tabylady. Qazirgi kúrdeli kezeńde dinı lıderler bir ústelde otyryp, barlyq álemge kez-kelgen kelispeýshilikterdi jeńetin izgi nıettiń úlgisin kórsetýi óte mańyzdy».
Bıyl qazan aıynda Álemdik jáne dástúrli dinder lıderleri seziniń 20 jyldyǵy atap ótiledi. Parlament Senatynyń Tóraǵasy M.Áshimbaevtyń jetekshiligimen Sezd Hatshylyǵynyń XXI mereıtoılyq otyrysy ótedi. Hatshylyq dinder, mádenıetter pen órkenıetterdiń arasyndaǵy dıalogty damytýǵa baǵyttalǵan. Bul mereıtoı arqyly Qazaqstan toleranttylyqty, dinaralyq dıalog pen beıbitshilikti negizgi nysanǵa ala otyryp, el ordasy Astana qalasyna barlyq din ókilderin qýana qarsy almaq.
Eset BAIKEN,
Astana qalasy ákiminiń orynbasary
