Elimizde Álemdik jáne dástúrli dinder kóshbasshylarynyń sezin ótkizý týraly bastamasy álemdik qoǵamdastyqta úlken qyzyǵýshylyq týdyrdy. Bul ıdeıaǵa Reseı, AQSh, Anglııa, Fransııa, Mysyr sııaqty alpaýyt elderdiń basshylary, bedeldi saıasatkerler jáne kóptegen dinı konfessııa lıderleri qoldaý bildirdi. Sezdiń úlken jetistigi Qazaqstan búkil álem aldynda shynaıy qoǵamdyq jáne dinaralyq kelisim men birlikke qol jetkizgen el retinde ózin kórsetti.
2003 jyldan 2022 jylǵa deıin Astanada ótken Álemdik jáne dástúrli dinder kóshbasshylarynyń jeti sezine ıslam, hrıstıan, ıýdaızm, býddızm, sıntoızm, daosızm jáne basqa da dástúrli dinderdiń basshylary men din ókilderi qatysty. Prezıdent Qasym-Jomart Toqaev aıtyp ketkendeı: «Bul bizdiń baǵa jetpes baılyǵymyz jáne ajyramas artyqshylyǵymyz dep sanaımyz. Sezdi ótkizý bizdiń elimizde de, búkil álemde de dıalog pen yntymaqtastyqty nyǵaıtýǵa baǵyttalǵan Qazaqstan saıasatynyń mańyzdy bóligi bolyp tabylady. Qazirgi kúrdeli kezeńde dinı lıderler bir ústelde otyryp, barlyq álemge kez kelgen kelispeýshilikterdi jeńetin izgi nıettiń úlgisin kórsetýi óte mańyzdy». Dinaralyq dıalog jáne ortaq baǵdarlardy izdeý konteksindegi barlyq tujyrymdamalyq ıdeıalar birinshi kongreste qabyldandy.
Bıyl qazan aıynda Álemdik jáne dástúrli dinder lıderleri seziniń 20 jyldyǵy atap ótilmek. Parlament Senatynyń tóraǵasy M.Áshimbaevtiń jetekshiligimen sezd hatshylyǵynyń XXI mereıtoılyq otyrysy ótedi. Hatshylyq dinder, mádenıetter pen órkenıetterdiń arasyndaǵy dıalogti damytýǵa baǵyttalǵan. Bul mereıtoı arqyly elimiz toleranttylyqty, dinaralyq dıalog pen beıbitshilikti negizgi nysanǵa ala otyryp, el ordasy Astana qalasyna keletin barlyq din ókilderin qýana qarsy almaq.
Eset BAIKEN,
Astana qalasy ákiminiń orynbasary
