Ákim kýbogi «OIY»-ǵa buıyrdy

Bul joly tájirıbeli koman­dalar Taraz qalasy ákiminiń ký­bogi úshin baq synady. Ońtús­tik­tegi «Nomad» lıgasynyń fı­nal­dyq saıysy qaı kezde de tar­tysqa toly jaǵdaıda ótedi. Qy­zylorda, Túrkistan oblystarynan jáne Shymkent qalasynan kel­gen myqty óner ujymdary men tarazdyq komandalar astary tereń ázilderimen Balasaǵun atyndaǵy ortalyq konsert zalyna jınalǵan jurtshylyqtyń ezýine kúlki úıirdi.

Ádemi ázildermen ádiptelgen oıyn qorytyndysynda tarazdyq «OIY» komandasynyń eńbegin qazylar alqasy joǵary baǵalap, birinshi orynǵa laıyq dep tapty. Úshinshi megapolıs sanalatyn Shymkent qalasynan kelgen «Ma­demuazel» ujymyna júldeli ekin­shi oryn buıyrsa, ta­ǵy bir taraz­dyq top «Qarasaz» koman­dasy úzdik úshtikti qorytyn­dy­lady.

Uıymdastyrýshylar básekege toly jaǵdaıda ótken fınaldyq kezeńde erekshe ázilimen dara­lan­ǵan jeke oıynshyǵa da júlde taǵaıyndapty. Nátıjesinde, qy­zyl­ordalyq «Surap almadyq» koman­dasynyń múshesi Ádiljan Dáýletov fınaldyq kezeńniń «Úz­dik oıynshysy» atandy.

Joǵary deńgeıde uıymdas­tyrylǵan fınaldyq kezeń qory­tyn­dysynda jeńimpazdar men júl­de­gerlerdi Taraz qalasy ákimi­niń orynbasary Dáýir Dáýletov quttyqtap, qala ákiminiń kýbogi úshin ótken saıysqa arnaıy kelgen kórshi óńirlerdiń komandalaryna alǵys bildirdi. Júlde alǵan ujymdarǵa qomaqty qarjylaı syılyq tabystady.

«Qala kúni merekesi aıasynda Tarazda birneshe is-shara joǵary deńgeıde uıymdastyryldy. Jaı­darmanshylar arasyndaǵy jarys kórermenniń kóńilinen shyqqany sózsiz. Qatysýshy komandalardyń ádemi ázilderi jurttyń kóńilin kóterdi. Kópshiliktiń kóńilinen shyǵatyn túrli is-shara aldaǵy ýaqytta da uıymdastyrylady», deı­di Taraz qalasy ákiminiń orynbasary D.Dáýletov.

TARAZ