Festıvaldiń maqsaty – qazaq halqynyń óneri men mádenıetin Qazaqstanda turatyn etnostyq toptar arasynda jan-jaqty nasıhattaý, qazaqstandyq patrıotızm men elimizdiń kóptúrli mádenı erekshelikterin damytý, oryndaýshylardyń kásibı sheberligin arttyrý. Qazaqstan halqynyń birligin saqtaý jáne elimizdiń kóptúrli mádenı erekshelikterin damytý.
Bul sharaǵa barlyq etno-mádenı birlestikter jáne qazaq ulttyq ónerin jetik meńgergen (dombyra, qobyz, syrnaı, taǵy basqa qazaq ulttyq aspaptarynda oınaıtyndar, qazaq áni men bıin oryndaıtyndar) etnostyq top ókilderiniń jeke jáne toptyq oryndaýshylary qatysty.
Talap boıynsha oryndalatyn shyǵarmalardyń ýaqyty 5 mınýttan aspaýy qajet.
Festıval II kezeńnen turady: I kezeńge Qazaqstannyń barlyq óńirleriniń etno-mádenı birlestikteriniń ókilderi onlaın formatta qatysady jáne ekinshi kezeńge irikteýden ótedi. Festıvaldiń uıymdastyrý komıtetiniń irikteýinen II kezeńge ótken qatysýshylar Almaty qalasynda qazan aıynyń 22-sinde, saǵat 18.00-de Jambyl atyndaǵy Qazaq memlekettik fılarmonııasynyń Úlken zalynda ótetin Gala-konsertte óner kórsetedi.
Festıvaldiń qatysýshylaryna Alǵys hattar tapsyrylady.
Sharaǵa qatysý sharttary, qoıatyn talaptary Jambyl atyndaǵy Qazaq memlekettik fılarmonııasynyń áleýmettik jelilerinde ornalastyryldy.
ALMATY
