Foto: IIM baspasóz qyzmeti
Jarystyń aqtyq kezeńi Maqan Esbolatov atyndaǵy Almaty akademııasynyń bazasynda ótti. Aıta ketý kerek, eń aýyr qylmystar jedel qyzmetkerlerdiń bilimi men daǵdylarynyń, olardyń tabandylyǵynyń, adaldyǵynyń, batyldyǵy men tapqyrlyǵynyń arqasynda ashylady.
Dástúrge aınalǵan konkýrsta aýmaqtyq bólinisterdiń qyzmetkerleri jedel qyzmette, zańdardy meńgerýde, atys jáne fızıkalyq daıyndyqta joǵary nátıje kórsetti. Sonymen qatar is-shara barysynda jedel ýákildermen otstavkadaǵy mılısııa polkovnıgi Ǵabdrahım Meńdeshev kezdesti.
Ofıserdiń esebinde kóptegen ashylǵan aýyr jáne asa aýyr qylmystar bar. Jeńimpazdardy IIM krımınaldyq polısııa departamentiniń bastyǵy Aıdos Rysbaev marapattady.
– Qıyn qyzmetterińizden úılerińizge aman-saý oralýlaryńyzdy tileımin. Sáttilik serik bolsyn árdaıym! – dedi Rysbaev.
Eń úzdik jedel ýákil bolyp Aqmola oblysynyń qyzmetkeri Eljas Noǵaev tanyldy. Ekinshi oryndy Abaı oblysynyń namysyn qorǵaǵan Qýanysh Zarıpov ıelendi. Al úzdik úshtikti almatylyq jedel ýákil Berik Bıbekov túıindedi. Jalpy bul baıqaý jedel izdestirý qyzmetin odan ári damytýǵa jáne jedel ýákilderdiń kásibı sheberligin arttyrýǵa yqpal etedi.
