Foto: gov.kz
Eńbek jáne halyqty áleýmettik qorǵaý mınıstrligi baspasóz qyzmetiniń málimetinshe óńirge qonys aýdarǵandardyń barlyǵyna memlekettik qoldaý sharalary kórsetilgen. Olarǵa jalpy 841,6 mln teńge tólendi, onyń ishinde 222,6 mln teńge somasyna kóshýge, 119,2 mln teńge somasyna turǵyn úıdi jaldaýǵa (jalǵa alýǵa) materıaldyq kómek, sondaı-aq 114 otbasyna 499,8 mln teńge somasyna ekonomıkalyq utqyrlyq sertıfıkattary berilgen.
Eńbekke qabiletti 286 qonys aýdarýshy men 105 qandastyń 381-i jumysqa ornalastyrylǵan, 10-y kásipkerlik qyzmetpen aınalysyp jatyr.
Jalpy, óńirdegi qonys aýdarýshylar men qandastar kelesi bos jumys oryndaryna jumysqa ornalastyrylǵan: qazaq, aǵylshyn tili muǵalimi, medısına qyzmetkeri (dáriger, feldsher, medbıke), tárbıeshiniń kómekshisi, qurylysshy, aspaz, júrgizýshi, menedjer, mashınıst, mashınıst kómekshisi, ártis, zerthanashy, meńgerýshi, óndiris, jolserik jáne t. b.
Mysaly 2020 jyly óńirlik qonys aýdarý kvotasyna qosylyp, Sherbakov aýylyna qonystanǵan Shýkýr Hýdıarovtyń otbasy kóship kelgennen keıin bıznes bastaý úshin 2021-2025 jyldarǵa arnalǵan kásipkerlikti damytý jónindegi ulttyq joba sheńberinde 1 mln 300 myń teńge kóleminde grant ıegeri atanǵan. Grantty alǵannan keıin fotoapparat, túrli-tústi prınter satyp alyp, tapsyrys ala bastaǵan atalǵan otbasy memlekettiń kórsetken kómegine rızashylyǵyn bildirdi.
Esterińizge sala keteıik, bıyl Ulttyq joba aıasynda Qazaqstannyń eńbek kúshi tapshy óńirlerinen 7 498 adam óz erkimen qonys aýdarǵan, onyń ishinde 1 870 qandas jáne 5 628 qonys aýdarýshy kóshti. Barlyq qonys aýdarýshylarǵa memlekettik qoldaý sharalary kórsetilgen.
