Foto: Úkimettiń baspasóz qyzmeti
Qujatta «Dáýren Qazantaev Ǵanıbekuly Qazaqstan Respýblıkasy Sý resýrstary jáne ırrıgasııa mınıstrliginiń Apparat basshysy laýazymyna taǵaıyndaldy», delingen.
1984 jyly Qyzylorda qalasynda dúnıege kelgen Dáýren Qazantaev 2005 jyly T.Rysqulov atyndaǵy Qazaq ekonomıkalyq ýnıversıtetin támamdaǵan. Prezıdenttik jastar kadr rezerviniń múshesi.
Eńbek jolyn 2005 jyly jeke qurylymdarda ınvestısııa jáne korporatıvtik bıznes boıynsha taldaýshy bolyp bastap, 2007-2010 jyldary – Ekonomıka jáne bıýdjettik josparlaý mınıstrligi qurylymynda jetekshi mamannyń mindetin atqarýshy, sarapshy qyzmetterin atqardy.
2010-2016 jyldary Jambyl jáne Pavlodar oblystary ákimdikteriniń qurylymdarynda qyzmet etip, 2016-2020 jyldary – energetıka mınıstriniń keńesshisi boldy.
Atalǵan laýazymǵa taǵaıyndalǵanǵa deıin Dáýren Ǵanıbekuly Astana qalasy Tabıǵatty qorǵaý departamentiniń basshysy qyzmetin 2020 jyldan bastap atqardy.
