Foto: primeminister.kz
Komıssııanyń otyrysynda Aýyl sharýashylyǵy mınıstri Aıdarbek Saparov egin jınaý naýqany kezinde negizgi astyqty óńirlerde tolassyz jaýǵan jaýyn-shashyn astyqtyń ónimdiligi men sapasyna áser etkenin aıtty. Munyń zardabyn aldymen dıqandar tartady. О́ıtkeni kelisimshart boıynsha satylatyn ónimdi jınaýǵa jańbyrly kúz aıtarlyqtaı kedergisin keltirdi.
«Memleket basshysynyń bıylǵy aýa raıy qolaısyzdyǵynan zardap shekken aýyl sharýashylyǵy taýaryn óndirýshilerge qajetti qoldaý kórsetý jónindegi tapsyrmasyn oryndaý aıasynda mynadaı sharalardy qabyldaý usynyldy. Atap aıtqanda forvardtyq satyp alý aıasynda «Azyq-túlik korporasııasynyń» satyp alý baǵasyn 3 klasty bıdaı úshin 120 myń teńge jáne 4 klasty bıdaı úshin 105 myń teńge mólsherinde belgileý; forvardtyq satyp alý jáne taýarlyq nesıe boıynsha fermerge mindettemelerdi aıyppul tólemderinsiz aqshalaı qarajat arqyly nemese 1,05% ne 5% koeffısıent boıynsha 3 klasty bıdaıdy 4 klasqa aýystyrý arqyly oryndaýǵa múmkindik berý; mindettemelerdi oryndaýǵa múmkindigi joq aýyl sharýashylyǵy taýaryn óndirýshiler úshin bank syıaqylaryn 3% kóleminde óteı otyryp, shartty oryndaý merzimin 1 jylǵa uzartýǵa múmkindik berý» máselesi qaraldy.
A.Saparov fermerler «Azyq-túlik korporasııasynyń» astyqty, ásirese jemdik bıdaıdy eginshilerden tikeleı satyp alý máselesin kóterip otyrǵanyn jetkizdi. Osy usynys júzege asyrylsa, dıqandardyń tabysy da eselene túsetinin aıtty.
Komıssııa músheleri jıyn barysynda 350 myń tonna kóleminde astyqty kelesi baǵamen satyp alýdy júzege asyrý qajet dep sheshti. Onyń ishinde 4 klasty bıdaı úshin – 105 myń teńge, 5 klasty bıdaı úshin – 90 myń teńge, klasqa jatpaıtyn bıdaı úshin – 70 myń teńge dep baǵa da belgilendi. Bul sharýa endi tek bıýdjetten qarjy bólingen soń ǵana iske asyrylady. Otyrysty qorytyndylaǵan Á.Smaıylov memlekettik jaýapty organdar aýylsharýashylyǵy taýaryn óndirýshilerge demeý bolyp qoldaý kórsetýdi shuǵyl qolǵa alý kerektigin tapsyrdy.
