Foto: Senattyń baspasóz qyzmeti
Qujatta úsh zańǵa ózgerister men tolyqtyrýlar engizý kózdelip otyr. Máselen, «Qazaqstan Respýblıkasynyń memlekettik nagradalary týraly» zańǵa ádebıettiń damýyna erekshe úles qosqan, buryn «Qazaqstannyń eńbek sińirgen qaıratkeri» qurmetti ataǵyna ıe bolǵan adamdarǵa jáne (nemese) memlekettik syılyqtyń ıegerlerine «Qazaqstannyń halyq jazýshysy» qurmetti ataǵyn berý jóninde tolyqtyrý engiziledi.
«Qazaqstan Respýblıkasynyń áýe keńistigin paıdalaný jáne avıasııa qyzmeti týraly» zańǵa memlekettik avıasııa salasyndaǵy ýákiletti organnyń ushý jumysyn uıymdastyrý jáne ushýdy obektıvti baqylaýdy uıymdastyrý jónindegi nusqaýlyq ázirleý jáne bekitý týraly quzyreti bekitiledi.
Al «Qorǵanys ónerkásibi jáne memlekettik qorǵanystyq tapsyrysy týraly» zańǵa oq-dári men jarylǵysh zattardy kádege jaratý obektisiniń óndirisin uıymdastyrý jónindegi qaǵıdalardy ázirleý jáne bekitý jóninde ýákiletti organ quzyretiniń erejesi engiziledi. Bul oq-dári men jarylǵysh zattardy saqtaý, kádege jaratý obektilerinde kúzet jáne órt qaýipsizdigin qamtamasyz etý prosesin tıisinshe uıymdastyrýdy belgileýge múmkindik beredi.
Komıtet músheleri talqylaý qorytyndysy boıynsha zańdy Palatanyń qaraýyna jiberý týraly sheshim qabyldady.
