Foto: freepik.com
«17 tamyzda «Qazaqstan» kenishinde bolǵan apattan keıin atalǵan aýmaqqa (D6 qabatynyń kómir eńisi) irgeles jatqan eski qazbalarǵa jáne bógetshelerge tekserý júrgizilip jatqan. 2003 jyly salynǵan №S14 bógetsheni tekserý barysynda jańa oqshaýlaǵysh bógetsheni ornatý sheshimi qabyldandy. 11 qazanda jańa oqshaýlaǵysh bógetsheniń qurylysyna daıyndyq boıynsha tehnıkalyq jumystardy júrgizý kezinde Kásibı áskerılendirilgen avarııalyq-qutqarý qyzmetiniń (KÁAQQ) sarbazdary massanyń qyzyp jatqanyn anyqtady. Bul týraly habarlanǵan mezetten tótenshe jaǵdaıdy joıý jóninde jospar engizilip, shahtada bolǵan 106 adamnyń barlyǵy saǵat 13:50-de jer betine shyǵaryldy. Zardap shekkender joq. Tekserý júrgizý úshin shahtaǵa KÁAQQ-niń qosymsha 2 bólimshesi jetti», dep málimdedi ArselorMıttal Temirtaý AQ baspasóz qyzmeti.
Eske sala ketsek, Qaraǵandy oblysyndaǵy «Qazaqstan» shahtasynda órt 17 tamyzda boldy. Apat kezinde jer astynda bolǵan 227 kenshiniń 222–si jer betine jedel shyǵaryldy, 8-i zardap shekti. Shahtanyń astynda qalǵan bes kenshiniń denesi tabyldy. 18 tamyzdaǵy jaǵdaı boıynsha órtten zardap shekken 11 kenshi em qabyldap jatty. Memleket basshysy órt sebebin anyqtaý úshin jan-jaqty tergeý júrgizýdi tapsyrdy. 18 qyrkúıekte Tótenshe jaǵdaılar mınıstri Syrym Sháriphanov jarııa etken úkimettik komıssııanyń tergeý qorytyndysy boıynsha jumys berýshi 100% kináli dep tanyldy.
