Foto: Aqorda
«Búginde 120-dan astam el bul máseleni sheshý úshin ártúrli zańnamalyq akti qabyldady. Biz ozyq álemdik tájirıbege saı keletin, naryqtyń qajettiligi men azamattardyń múddesin eskeretin, quqyqtyq turǵydan retteıtin zamanaýı baza ázirleý isin jedeldetýimiz kerek. Quqyqtyq sharttar halyqaralyq kompanııalardyń bizdiń naryqqa kelýin yntalandyrýy qajet. Ol úshin múddeler tepe-teńdigin saqtap, ashyq jáne ádil «oıyn erejelerin» qalyptastyrǵan jón», dedi Memleket basshysy.
Osy oraıda ol jasandy ıntellekt quraldaryn adamdardyń kúndelikti ómirine kiriktirý ońaı mindet emes ekenin aıtty. Bul rette olardyń quqyqtary men bostandyqtary buzylmaýy tıis.
«Forýmǵa qatysýshylar osy salany retteıtin negizgi qujattardy, sonyń ishinde Sıfrlyq kodeks jobasyn ázirleýge úles qosa alady dep úmittenemin», dedi Prezıdent.
