Bul týraly vedomstvo basshysy Digital Bridge halyqaralyq tehnologııalyq forýmy aıasynda ótken «Qazaqstan – IT eli» paneldik sessııasynda aıtty.
«Biz aldaǵy ýaqytta ne nársege kóńil bólemiz? Jaqyn arada biz anyqtamasyz jumysqa ornalasýǵa múmkindik beremiz. Jumysqa ótinish bergenderdiń bári ony elektrondy formatta da júktep alyp, jeke quramǵa aparý kerektigin biledi. Búgin olar Prezıdentke QR arqyly qalaı jumysqa turyp, eńbek shartyna qol qoıýǵa bolatynyn kórsetti», dedi Baǵdat Mýsın.
Aıta keteıik, búgin Qasym-Jomart Toqaev Digital Bridge halyqaralyq tehnologııalyq forýmy aıasynda uıymdastyrylǵan kórmeni tamashalady. Prezıdent Social Tech, Creative Economy, AI, FinTech, Industry 4.0, GovTech, Kaspikz, ARFR, Astana Hub, Freedom Bank, MyCar kórme aımaqtaryn aralap kórdi.
Aqordanyń baspasóz qyzmeti atap ótkendeı, Baǵdat Mýsın Memleket basshysyna keıbir ekinshi deńgeıli bankter men basqa da kompanııalar óz platformalary arqyly azamattarǵa memlekettik qyzmetterdi alýǵa múmkindik beretinin habarlady.
