Foto: ashyq derekkóz
Nesipbek Aıtuly 1950 jyly Shyǵys Túrkistannyń Tarbaǵataı aımaǵynda týǵan. Aqyn, Memlekettik syılyqtyń laýreaty (2012j), Qazaqstannyń eńbek sińirgen qaıratkeri (2011), «Parasat» ordeniniń ıegeri(2004). Tańdamaly jeti tomdyǵy «Folıant» baspasynan (2015 j.) jaryq kórgen epık aqyn.
Eńbek jolyn Shubartaý aýdandyq «Jańa ómir» gazetinde bastaıdy. 1974 jyly Qazaq Memlekettik Ýnıversıtetiniń jýrnalıstıka fakýltetin bitirgen.
1974-1984 jyldary «Baldyrǵan» jýrnalynyń poezııa bóliminiń meńgerýshisi, «Jalyn» baspasynda redaktor. 1984-1994 jyldary Qazaqstan Jazýshylar odaǵynda ádebı keńesshi. 1995-1996 jyldary «Aqyn» qaýymdastyǵynyń dırektory. 1997-2001 jyldary «Qazaq ádebıeti» gazetinde syn bóliminiń, «Juldyz» jýrnalynda poezııa bóliminiń meńgerýshisi.
2001 jyldan bastap Astana qalasyna qonys aýdaryp, L.N.Gýmılev atyndaǵy Eýrazııa ulttyq ýnıversıtetinde, Prezıdenttik Mádenıet ortalyǵynda qyzmet istegen.
Sońǵy qyzmeti – Astana qalasyndaǵy S.Seıfýllın atyndaǵy mýzeı dırektory.
N. Aıtuly – án-óleń janryna da erekshe úles qosqan aqyn. Onyń «Án dombyra», «Saryarqa», «Dáýren-aı», «Arman», «Darıǵa, dáýren», «Qazaqtaı el qaıda» sekildi kóptegen týyndylary halyqtyń súıikti tańdamaly ánine aınalǵan.
