Sán kórsetiliminde saq-massagetterdiń aty ańyzǵa aınalǵan patshaıymy, salqar sahara jaýynger qyzy Tomırıstiń obrazy ulyqtaldy.
- «Bozjyra Fashion Week» kórsetilimi arqyly tarıhta óshpes iz qaldyrǵan túrki áleminiń naǵyz batyrlary týraly aıtqymyz keledi. Bul batyrlar búkil halyqty dostyqpen, bostandyq rýhymen, bir-birine jáne túrki murasyna mahabbatpen biriktire bilgen amazonkalar, - dedi uıymdastyrýshy Lýrena Doskeeva.
Uıymdastyrýshylardyń aıtýynsha, «Bozjyra Fashion Week» sán aptalyǵynyń taǵy bir negizgi maqsaty - óz isin jańadan bastap jatqan talantty dızaınerlerge qoldaý kórsetý.
«Aqtaý qalasynda mundaı aptalyq aýqymdy masshtabta alǵash ret ótti. Bul bolashaqta álemdegi etnıkalyq sánge áser etetin tutas qaýymdastyq qura alatyn túrki áleminiń brendteri men dızaınerleriniń biregeı kollaborasııasyn qurýdyń tamasha múmkindigi. Biz kúsh biriktiretin shyǵarmashylyq brendter úshin keremet kreatıvti qurýǵa múddelimiz», deıdi PR-maman Jámılá Hangeldına.
Sonymen qatar otandyq zergerlik buıymdar brendi Dimash Silver erkindik pen kórkemdik ıdeıasynan shabyt alǵan jańa «Dimash Dubai Diamond» premıým toptamasyn alǵash ret kórsetti.
