Foto: Aqorda
Prezıdentke CITIC Group kompanııasy men Qazaqstannyń buǵan deıin qol jetkizgen ýaǵdalastyqtarynyń júzege asyrylý barysy týraly málimet berildi.
Memleket basshysy turaqty kezdesýler aradaǵy yntymaqtastyqtyń strategııalyq sıpatyn bildiretindigin, bıyl mamyr aıynda bizdiń otandyq seriktesterimen CITIC Construction kompanııasy jalpy ınvestısııa kólemi 2 mıllıard dollar bolatyn jobalardy iske asyrý jónindegi 5 qujatqa qol qoıǵandyǵyn atap ótti.
«Mańyzdy jobalardyń biri – Aqtaýdaǵy Caspi Bitum zaýytynyń munaı óńdeý qýatyn jylyna 1,5 mıllıon tonnaǵa deıin jetkizý. Maǵan «QazMunaıGaz» ben CITIC Group arasynda tıisti kelisimge qol qoıylǵany jóninde málimet berildi. Qurylys salasynda mol tájirıbeńiz bar ekenin eskersek, bul joba sapaly ári qysqa merzim ishinde júzege asyrylady dep oılaımyn», dedi Memleket basshysy.
Qazaqstan tarapymen ózara tıimdi yntymaqtastyqty joǵary baǵalaǵanyn aıtqan CITIC basqarma tóraǵasy Chjý Hesın «Bizdiń SITIC korporasııasy Qazaqstanda tabysty jumys istep jatyr. Maǵan jáne meniń áriptesterime búgin sizben júzdesý – zor mártebe. Bizdiń qyzmetimizdiń negizgi maqsaty – Qazaqstanmen aradaǵy yntymaqtastyqty nyǵaıtý», dedi.
Budan bólek, kezdesý barysynda ınvestısııa jáne agroónerkásip kesheni salalaryndaǵy yntymaqtastyq perspektıvalary qarastyryldy.
