Foto: primeminister.kz
570 tósek-oryndyq zamanaýı kópbeıindi oblystyq aýrýhana qurylysy jumysynyń qazirgi kezde shamamen 50%-y aıaqtalǵan. Nysannyń paıdalanýǵa beriletin merzimi kelesi jyldyń jeltoqsan aıyna josparlanǵan.
Álıhan Smaıylov Túrkistan oblysynda 2 mln-nan astam adam turatynyn, sondyqtan jańa áleýmettik nysandardy iske qosýdyń mańyzdylyǵyn atap ótti.
«Bul – óte mańyzdy joba. О́ńirde syrqattar sany kóbeıip otyr, mundaǵy aýrýhanalar tapshylyǵyn kórip otyrmyz. Sondyqtan jobany memlekettik-jekemenshik áriptestik sheńberinde keshiktirmeı iske qosý mańyzdy. Tehnıkalyq máselelerge kelsek, muny Densaýlyq saqtaý mınıstrligimen birlesip pysyqtap, jyl sońyna deıin kelisimdi bekitý kerek», dedi Úkimet basshysy.
Bul rette ol «Aýyldyq densaýlyq saqtaýdy jańǵyrtý» ulttyq jobasy aıasynda oblysta 49 jańa alǵashqy medısınalyq-sanıtarııalyq kómek kórsetý nysanyn salý jáne 4 aýdandyq aýrýhanany jańǵyrtý josparlanyp otyrǵanyn eske saldy.
«Jalpy, densaýlyq saqtaý salasyndaǵy barlyq nysandar Mınıstrliktiń baqylaýynda bolýy jáne ýaqtyly iske asyrylýy tıis», dep túıindedi Premer-mınıstr.
