2016 jyldan beri kásipqoı boksta judyryqtasyp kele jatqan otandasymyz búginge deıin 19 jekpe-jek ótkizip, 11 qarsylasynan merziminen buryn basym túsken. Ol osy jyldyń sáýir aıynda Ońtústik Koreıada jeńilistiń kermek dámin tatpaǵan japonııalyq Kadzýto Takesakony segizinshi raýndta tehnıkalyq nokaýtpen jeńgen edi.
Qazirgi tańda jerlesimiz kásipqoı bokstaǵy eń mańyzdy tórt belbeýdiń ishinde WBC nusqasy boıynsha – ekinshi, IBF boıynsha – besinshi, al WBO baǵyty boıynsha úshinshi satyǵa jaıǵasqan. Sonymen qatar boksshylardyń statıstıkasyn júrgizetin «BoxRec» basylymynyń málimetine sáıkes, M.Nursultanov dál qazirgi tańda Qazaqstandaǵy eń myqty boksshylardyń kóshin bastap tur.
