Agroónerkásip keshenin damytýǵa – 26,5 mlrd teńge

– Bıyl 52 675,1 mln teńgege 17 joba josparlanǵan bolatyn. Jyl basynan beri 32 910,1 mln teńgeniń 10 jobasy iske asyryldy, – dedi R.Saǵandyqov.

Sonymen qatar osy kúnge deıin dándi jáne dándi-burshaqty daqyldardyń 86%-y jınaldy, 334,05 myń tonnasy bastyryldy. Maıly daqyldardy jınaý jumystary bastalyp, búgingi tańda 54,74 myń gektardan 116,03 myń tonna tuqym alyndy.

– Egin jınaý jumystaryn der kezinde ári toqtaýsyz júrgizý úshin oblys sharýalaryna memleket tarapynan 8,5 myń tonna jeńildetilgen dızel otyny bólindi. Búgingi tańda bul kólem tolyǵymen ıgerildi. Jýyrda Ener­getıka jáne Aýyl sharýa­shy­lyǵy mınıstrlikterine egin jınaý jumystaryn jalǵastyrý úshin taǵy 10 myń tonna kóle­minde jeńildetilgen dızel otynyna qajettilik jóninde hattar joldandy. Dándi jáne maıly daqyldardy keptirý úshin ob­lys­qa 7 myń tonna dızel otyny bólindi, – dep atap ótti spıker.

Oblysta 18,8 myń basqa ar­na­lǵan 34 bordaqylaý alańy jumys isteıdi. Onyń ishinde ónerkásiptik úlgidegi 8 alań – 1000 bastan, qalǵan 26 alańnyń qýattylyǵy – 90-nan 600 basqa deıin. Aǵymdaǵy jyldyń 8 aıy­nyń qorytyndysy boıynsha júkteme 24%-dy qurap otyr.

– О́ńirde 37 taýarly sút fermasy jáne 23 sút qabyldaý pýnkti jumys isteıdi. Jyl basynan beri taýarly sút fermalarynda 51 myń tonna sút óndirildi. Turǵyndardan 11,8 myń tonna sút satyp alyndy. Sút óńdeý kásiporyndarynyń júktemesi 42%-dy qurady, – dep tolyqtyrdy Ramıl Saǵandyqov.

Baspasóz máslıhatynyń so­ńynda ShQO ASh basqarmasy basshysynyń m.a. Ramıl Saǵan­dy­qov ınflıasııany boldyrmaý jáne áleýmettik mańyzy bar azyq-túlik taýarlarynyń baǵa­syn turaqtandyrý maqsa­tynda 2023-2024 jyldary «aınalym she­masy» tetigi sheńberinde oblys bıýdjetinen 4,2 mlrd teńge bólingenin aıtty.