Foto: Ashyq derekkóz
Qaýymdastyq erejesi barlyq TikTok paıdalanýshylary úshin jalpy minez-qulyq kodeksi bolyp sanalady, ol platformadaǵy barlyq mazmunǵa qoldanylady. Máselen, mundaı saıasat jastardyń qaýipsizdigi men ıgiligi, eresekterge arnalǵan taqyryptar, aqparattyń shynaıylyǵy, usynystar arnasyn qabyldaý standarttary syndy basqa taqyryptyq salalar boıynsha uıymdastyrylǵan jáne ár bólimde qoldanýshylar ruqsat etilgen mazmun boıynsha anyqtamalardy, túsiniktemelerdi, naqty mysaldary bar qosymsha aqparattardy ala alady.
Qazirgi tańda álem boıynsha TikTok-ta qoldanýshylardyń qaýipsizdigine 40 myńnan astam adam jumys istep otyr.
Qysqa beınebaıandar jasaýǵa arnalǵan platforma óz qaýymdastyǵy aldynda ashyqtyq pen esep berýdi qamtamasyz etip otyrý maqsatynda joıylǵan beınerolıkter men eseptik jazbalar týraly aqparatty udaıy jarııalaıdy.
Sońǵy Qaýymdastyq erejelerin saqtaýdy qamtamasyz etý esebine sáıkes, 2023 jyldyń ekinshi toqsanynda qaýymdastyq erejesin buzǵany úshin búkil álemde 106.476.032 beınerolık joıylsa, osy aralyqta Qazaqstanda barlyǵy 950.247 beınerolık óshirilgen.
Birinshi kezekte atalmysh platforma jetkinshek jastaǵy qoldanýshylardyń qaýipsizdigin qamtamasyz etýge mán beredi. Onyń ústine TikTok – bul tek 13 jáne odan joǵary jastaǵy qoldanýshylarǵa arnalǵan platforma: munda jańa qoldanýshydan týǵan kúnin, jylyn tolyq kórsetýdi talap etetin tirkeý formasy bar. Munan da bólek, platformanyń moderatorlar komandasy eseptik jazbalar 13 jasqa tolmaǵan balaǵa tıesili bolýy múmkin belgilerdi baıqaýǵa úıretilgen. Eger qaýipsizdik komandasy tirkelgi kishkentaı balaǵa tıesili dep eseptese, onda ol buǵattalady.
TikTok - 13 jasqa tolmaýyna baılanysty joıylǵan tirkelgilerdiń sanyn ashyq túrde kópshilikke jarııalaǵan eń alǵashqy iri platforma. Osylaısha 2023 jyldyń ekinshi toqsanynda búkil álem boıynsha 13 jasqa tolmaǵan qoldanýshylardyń 18 823 040 eseptik jazbalary joıyldy. Sondaı-aq platforma 18 jasqa tolmaǵan qoldanýshylar úshin TikTok-taǵy tájirıbesi barynsha qaýipsiz ári jasyna sáıkes bolýyn kepildendirý maqsatynda birqatar shekteýler engizgen.
