Foto: Turizm_zhane_sport_ministrligi
Kúndizgi sessııadaǵy úsh jekpe-jektiń ekeýinde qarsylastarynan basym túsken, jartylaı fınalda chehııalyq Ondreı Boshakty utqan, kýmıte baǵdarlamasynda fınalǵa shyqqan Dıdar Anarbekov (+84 kg) alań ıesi Sanad Sýfıanıge jol berip, 2-oryn aldy.
Eske salaıyq, Qazaqstan quramasynan osyǵan deıin kýmıte baǵdarlamasynda 55 kg deıingi salmaq boıynsha Bella Samasheva kúmis júldeger atanǵan bolatyn.
Al 68 kg deıingi salmaqtaǵy Nýrııa Tizimbaı óz tobynda birinshi oryn alǵanymen, jartylaı fınalda tájirıbeli marokkolyq Vıssal Ezzardy uta almady.
Karateshilerdiń aǵa bapkeri Shattyq Qajymuqannyń aıtýynsha eki kúnge sozylǵan karateshiler aıqasynda 3 medal aldyq, eki kúmis, bir qola. Ulttyq qurama sapynda barlyǵy 7 sportshy baryp, qatysqan. О́kinishke qaraı, Nıkol Sengel jaraqat alyp, jarysty erte aıaqtaýǵa májbúr bolǵan. Jarys jalpy bizdiń karateshilerge zor tájirıbe jınaýǵa septigin tıgizgen.
Aıta ketsek, Qazaqstan delegasııasy osyǵan deıin Beıjiń men Sankt-Peterbýrgte ótken jaýyngerlik óner oıyndarynda WKF karateden medal almaǵan.
