Qazaq ánderin shyrqaǵan álem ánshileri

Bıyl tórtinshi ret uıym­dastyrylyp otyrǵan án baıqaýyna Túrkııa, О́zbekstan, Qyr­ǵyzstan, Tatarstan, Bash­qurtstan, Ázerbaıjan, Polsha, Belarýs, Moldova, Grý­zııa, Býrıatııa, Kýba, Bol­garııa, Portýgalııa, Is­pa­nııa elderinen 18-35 jas ara­lyǵyndaǵy estradalyq janr­daǵy oryndaýshylar, halyqaralyq án baıqaý­larynda jetistikke jetken ánshiler qatysty. Fes­tıvaldiń ashylý saltanatynda oblys ákimi Darhan Saty­baldy sońǵy bes jylda tarıhı shahar damýdyń jańa belesine kóterilgenin atap ótti. «О́tken aptada Túrki elderi uıymynyń sheshimimen Túr­kistan qalasy túrki ále­miniń 2024 jylǵy týrıstik astanasy bolyp tanyldy. Bul – biz úshin Túrkistannyń tarıhyn, rýhanııatyn odan ári tanytýǵa, týrıster arqyly álemge nasıhattaýǵa tamasha múmkindik. Týrızmmen birge mádenıet salasy damýǵa tıis. «Voice of Turan – 2023» ha­lyqaralyq qazaq ánderi festıvalin dástúrli túrde ótkizýge kúsh salamyz. Jyl saıyn aıasy keńeıe beredi degen senimdemin», dedi Darhan Satybaldy.

Baıqaý shartyna sáıkes jerebeden soń birinshi kúni Eýropa men Azııa ánshileri qazaq óneriniń sheberlerimen birge dýet oryndady. Al ekinshi kúni óz tańdaýyndaǵy qazaq ánin shyrqap, synǵa tústi. Sondaı-aq festıval barysynda prodıýser Me­ıir­jan Álıakbarovtyń uıym­­dastyrýymen túrkis­tandyq «Tańba» folklor­ly tobynyń tusaýy kesildi. Jeńimpazdardy Mem­le­ket­tik syılyqtyń laýrea­ty, Qazaqstannyń eńbek sińirgen qaıratkeri Tólegen Mu­hamedjanov bastaǵan, quramynda esimi elge málim shyǵarmashylyq ıntellıgensııa ókilderi, tanymal oryndaýshylar, kompozıtorlar men prodıýserler bar qazylar alqasy anyqtady. Baıqaý qorytyndysynda barlyq qatysýshyǵa arnaıy syı­lyqtar men gúl shoqtary tabystaldy. Qazylar alqa­synyń sheshimimen Laelııa Alıeva (Ázerbaıjan) bıyl tórtinshi ret uıymdas­ty­ry­lyp otyrǵan jobanyń bas júlde ıegeri atandy. Júl­deli I oryn Tatıana Efre­movaǵa (Ta­tar­stan), II oryn Margarıta Shı­bae­vaǵa (Belarýs), III oryn Anrı Gýchmaıdje (Grý­zııa) men Loýıs Melge (Ispa­nııa) buıyr­dy. Al Atıe Chı­ga (Túr­kııa) «Eń úzdik óń­del­gen án» ata­lymymen, Greı­­der Varona (Kýba) «Kó­rer­men­der kózaıymy» atalymy­men marapattaldy. Krıs­tııan Iаn­kýlov (Bolgarııa), Zaı­netdın (Bashqurtstan), So­lonar Valerıı (Moldova) baıqaýdyń arnaıy dıplomanty atandy.

Osylaısha, otandyq avtor­lardyń úzdik shyǵar­malary, qazaq tili nası­hattalyp, án arqyly álemge halqymyzdyń mýzyka má­denıe­tiniń san alýandylyǵy pash etildi. Sondaı-aq túrki álimniń rýhanı astanasy – kıeli Túrkistan nasıhattaldy.

TÚRKISTAN