Foto: Aqorda
Qasym-Jomart Toqaevqa jańa shaǵyn aýdanda 41 turǵyn úı salynyp jatqany jóninde baıandaldy. 1510 páterdiń jalpy aýdany – 122,6 myń sharshy metr. Qurylysqa 28,3 mıllıard teńge bólingen.
«Osy shaǵyn aýdanda byltyr aýmaǵy 44,1 myń sharshy metr bolatyn 509 páterli 14 úıdiń qurylysy aıaqtalǵan. Al bıyl jyl sońyna deıin 783 páterli taǵy 21 úıdi aıaqtaý josparlanyp otyr. Qalǵan 218 páterli 6 úıdiń qurylysy kelesi jyly aıaqtalady. Jyl sońyna deıin Taldyqorǵan qalasy boıynsha jalpy kólemi 155,2 myń sharshy metrdi quraıtyn 2 065 páter paıdalanýǵa beriledi. Sondaı-aq 2024 jyly 2 375 páter salý josparlanǵan. Budan bólek, Qaratal ózeniniń oń jaǵalaýyn damytý qarastyrylǵan. Jańa shaǵyn aýdandarda aldaǵy ýaqytta 28 myńnan astam adam turady dep boljam jasalyp otyr. Bul – qala halqynyń 14 paıyzy. Osy máselelerdi eskere kele, azamattardyń jaıly turmysyn qamtamasyz etý úshin qýaty saǵatyna 50 Gkal bolatyn gaz qazandyǵy, sondaı-aq osy shaǵyn aýdanǵa 1200 oryndyq mektep salynady», dedi Taldyqorǵan qalasynyń ákimi Ernat Bázil.
Kezdesý sońynda Prezıdent Úkimetke atalǵan máselelerdi zerdelep, tıimdi sheshim qabyldaýdy tapsyrdy.
