Petısııa avtorlary sońǵy 15 jylda Mıttal basqaratyn kompanııada 100-den astam adam qaza tapqanyn aıtyp, bul kórsetkishtiń jyl ótken saıyn artyp jatqanyn jetkizgen.
«Biz, petısııaǵa qol qoıǵan azamattar, «ArselorMıttal Temirtaý» kompanııasynyń qojaıyny Lakshmı Mıttal men menedjeri Palavatha Krıshnannyń qyzmetkerlerdiń qaýipsizdigin qamtamasyz etýde áreketsizdikke barǵany úshin qylmystyq jaýapkershilikke tartýdy talap etemiz! Sondaı-aq kompanııadaǵy eńbek jaǵdaıyn tekserýi tıis memlekettik qyzmetkerlerdi de esten shyǵarmaý kerek!», delingen qujatta.
Petısııa avtorlary sonymen qosa sońǵy 5 jylda «ArselorMıttal Temirtaý» kompanııasynyń tabysy 1 trln teńgeni quraǵanyn aıtady. Kompanııa óziniń menedjeri Palavatha Krıshnan Naır Bıdjýǵa 2021 jyly 375,9 mıllıon teńge nemese aıyna 31,3 mıllıon teńge nemese kúnine shaqqanda 1,01 mıllıon teńge tólegen.
