Foto: Polisia.kz
Kúdikti Ekibastuz qalasyndaǵy avtomektepterdiń birinde beıresmı esepshi bolyp jumys istegen. Ol byltyrǵy qazan aıynan bıylǵy maýsym aıy ortasyna deıin «memlekettik mekemelerde tanysym bar, qajetti sanattaǵy júrgizýshi kýálikterin alyp beremin» dep azamattardy aldap kelgen.
Avtomektep oqýshylary oǵan 150 myń teńgeden 400 myń teńgege deıin (qajetti sanatqa baılanysty) aqshalaı qarajatty jubaıynyń shotyna aýdaryp otyrǵan.
Keıin eshqandaı nátıje bolmaǵandyqtan, azamattar polısııaǵa júgingen. Alaıaqtyń toryna Pavlodar oblysymen qosa, kórshiles Aqmola oblysy turǵyndary da túsken. Qazirgi ýaqytta 48-ge jýyq aldanǵan azamat anyqtalyp otyr. Turǵyndarǵa 8 mln teńgeden astam shyǵyn keltirilgen.
«Fakti boıynsha Qazaqstan Respýblıkasy QK-niń 4-tarmaǵy 3-bóliginiń 190-baby (Alaıaqtyq) boıynsha sotqa deıingi tergep-tekserý júrgiziledi. Alaıaqtyq jasady degen kúdikti áıelge qatysty kelý týraly mindetteme bultartpaý sharasy tańdaldy», deıdi Pavlodar oblysy polısııa departamentiniń baspasóz qyzmeti.
