Qanat Sharlapaev Úkimettiń ArcelorMittal kompanııasymen uzaq ýaqyt boıy kelissózder júrgizgenin atap ótti.
«Biz 22 qazanda ArcelorMittal kompanııasymen aldyn ala qujattarǵa qol qoıdyq. ArcelorMittal qol qoıý shahtadaǵy qaıǵyly oqıǵaǵa deıin bolǵanyn rastady», dedi Qanat Sharlapaev.
Úkimet qazir bul ınvestor AMT aksıonerlerinen bas tartqannan keıin Qazaqstandy odan ári sot prosesterinen qorǵaý úshin jumys istep jatyr. Kompanııa da atyn ózgertýge májbúr bolady.
«Arselor qazaqstandyq kásiporynnyń aksıonerlerinen shyǵýyna baılanysty biz Arcelor ataýyn paıdalanýǵa quqyǵymyz bolmaıdy. Kompanııanyń kelesi ataýy qandaı bolatynyn biz áli sheshpedik, bul oraıda zaýyt qyzmetkerleriniń pikiri eskeriledi», dedi ol.
