Kitaphanalar jańǵyrtyldy

Búginde elordadaǵy Ortalyq­tan­dyrylǵan kitaphanalar júıesine qarasty 18 qalalyq kitaphana bar, onda 92 maman qyzmet isteıdi. «Ki­taphana qyzmetin jańǵyrtý jáne jetildirý» atty qanatqaqty jo­basy aıasynda №4 balalar kitap­hanasy men Zaǵıptar men nashar kóretin azamattarǵa arnalǵan ma­mandandyrylǵan kitaphananyń ma­­terıaldyq-tehnıkalyq bazasy tolyqtaı jańartylyp, zamanaýı ergonomıkalyq jıhaz, dızaınerlik jumys júrgizildi. Kitaphananyń qasbetteri ózgerdi.

Sondaı-aq zaǵıptar men nashar kóretin azamattarǵa arnalǵan mamandandyrylǵan kitaphanaǵa «Oqý mashınasy» dep atalǵan sóıleý sıntezi bar kompıýterlik tıflokeshen ornatyldy. Onyń kóme­gimen kózi nashar kóretin oqyr­mandar kitap oqyp, materıaldardy óńdep, basyp shyǵara alady.

Qaıta jańǵyrtýdan ótken kitap­hananyń ashylýyna Astana qalasy ákiminiń orynbasary Eset Baıken qatysyp, jańasha túrge bólengen oqý zalyn aralap kórdi.

– Qazirgi ýaqytta halyqtyń mádenı deńgeıin arttyryp, oqý bel­sendiligin damytýǵa, jas­tar­dy rýha­nı-adamgershilikke tár­­bıeleýge kóńil bólý óte ma­ńyz­dy. Bul jolda kitaptyń atqa­ra­tyn róli zor. Zańǵar jazýshy Ábish Kekilbaıuly «Adamdy adam etken – kitap, adamzat etken – ki­taphana» dep beker aıtpaǵan. Er­teńgi el tizginin us­taıtyn jas ur­paq pen kópshilik oqyrmanǵa ki­tapty nasıhattaý jolynda jasap júrgen eńbekterińiz orasan, – dep kitap­hana­shylarǵa izgi lebizin bildirdi ol.