Maıdangerdi mereıtoıymen quttyqtady

Pavlodar oblysynyń qorǵanys isteri jónindegi departamenti bastyǵynyń orynbasary, podpolkovnık Almasbek Buharbaev pen «Qarýly kúshter ardagerleri» RQB oblystyq fılıalynyń tóraǵasy Jan Qarataev soǵys ardageri Marııa Kýrbatovany mártebeli júz jasqa tolýymen quttyqtaý úshin ardagerdiń shańyraǵyna arnaıy bas suqty. Maıdangerge Qorǵanys mınıstriniń atynan Alǵyshat tapsyrǵan podpolkovnık Almasbek Buharbaev: «Azat etýshi batyrlarymyz máńgi jadymyzda saqtalady. Al ardagerlerge qamqorlyq jasaý – ár áskerı qyzmetshiniń mindeti», dedi.

Marııa Danılovna 1923 jyly 29 qazanda Pav­lo­dar oblysynyń Voronsovka aýylynda­ dúnıe­ge­ kelgen. Ekinshi dúnıejúzilik soǵys kezinde ol kóshpeli gospıtalda jaralylarǵa kómek kór­setti. 1943 jyly maıdanǵa barar aldynda Máskeý oblysyndaǵy mergenderdi daıarlaý jónin­degi nusqaýshylardyń ortalyq mektebin úz­dik bitirdi.

Aǵa serjant Marııa Kýrbatova 138-shi Qyzyl Tý atqyshtar dıvızııasy 650-shi Sývorov ordeni at­qysh­tar polkiniń quramynda otan qorǵady. Ýkraı­na, Polsha, Chehoslovakııany azat etýge atsa­lysty.

Soǵys aıaqtalǵanda Pavlodarǵa oralyp, orta mektepte alǵashqy áskerı daıyndyq páni­nen sabaq berdi. Marııa Danılovna «Otan so­ǵy­sy», «Jýkov» ordenderimen, «Erligi úshin», «Jaýyn­ger­lik eńbegi úshin», «Germanııany jeńgeni úshin» medal­darymen marapattalǵan. Ardagerdiń týys­tary áskerı qyzmetshilerdiń kórsetken qam­qor­ly­ǵyna rıza bolyp, shyn júrekten alǵysyn bildirdi.