Sýretti túsirgen – Erlan OMAR, «EQ»
Kópirdiń ár tarapynda tórt jolaq bar. Búıirinde jaıaý júrginshilerge arnalǵan jolaqtar men velojol salynǵan. Kógaldandyrý jumysy kóktemde aıaqtalady dep josparlanyp otyr.
Astana qalalyq ákimdiginiń habarlaýynsha, kópirdiń paıdalanýǵa berilýi qala kóshelerindegi keptelis kólemin birshama azaıtady. Máńgilik el dańǵyly – 20 paıyzǵa, Saraıshyq kóshesi men Uly dala kópiri keptelek júgin 15 paıyzǵa jeńildetpek. Sondaı-aq Kereı-Jánibek handar, Ál-Farabı kósheleri jáne Uly dala dańǵyly boıynsha trafık jandanady.
Jańa kópir Almaty men Esil aýdandary arasyndaǵy qosymsha baılanysty da qamtamasyz etedi. Kópirdiń salynýy nátıjesinde sol jaǵalaýdyń Táýelsizdik dańǵylymen, jańa temirjol vokzalymen, Qoshqarbaev dańǵylymen, Nájimedenov kóshesimen, Áziret Sultan meshitimen, Baıtursynuly, Qordaı, Aınakól kóshelerimen, Momyshuly dańǵylymen baılanysy kúsheıip, jol qozǵalysy jedel ári sapaly bola túspek.
