Foto: mazhilis_kz
«2024-2026 jyldarǵa 6 mıllıard teńge kózdelse, ár jylǵa shaqqanda 2,9 mıllıard teńgeden bolyp otyr. Baǵdarlama sheńberinde qoǵamdyq, áleýmettik jumys oryndaryn ashý qolǵa alynǵan. Bul jumys oryndary tek qysqa merzimdik qana. Al uzaq ýaqytqa jumyspen qamtamasyz etýde ahýaldy jasqartpaıtyny málim. Sondyqtan qysqa merzimdik jumys orny úshin dep bıýdjetten osyndaı qarajat bólý qanshalyqty tıimdi?», dedi N.Áýesbaev.
Depýtattyń saýalyna jaýap qatqan Premer-mınıstrdiń orynbasary bıyl elimizde 20 óńirlik jumyspen qamtý kartasy iske asyrylǵanyn jetkizdi. Sonyń negizinde jergilikti jerlerde jańa jumys oryndaryna, bos jumys oryndary jáne memleketten sýbsıdııa bólinetin jumys oryndaryna azamattardy tartý qolǵa alynǵanyn atap ótti. Jumyspen qamtýǵa qatysty bıýdjetten bólinetin qarajat esebinen memleket áleýmettik osal toptar men jastardy jumysqa ornalastyrý baǵytyna ǵana sýbsıdııa bermek.
«Jastardy jumyspen qamtýda jumys oryndaryna sýbsıdııa bólýdegi maqsat – olardyń tájirıbe jınap, shyńdalyp, óz mamandyǵy boıynsha biliktiligin arttyrýyna kúsh salý. Sonyń nátıjesinde olardyń turaqty jumysqa ornalasýyna múmkindigi artady», dedi T.Dúısenova.
Úkimet basshysynyń orynbasary eńbek jáne halyqty áleýmettik qorǵaý mınıstrliginiń málimetine súıenip, elde jastardy jumyspen qamtýdy sýbsıdııalaý arqyly 189 myń jumys orny ashylǵanyn atap ótti. Onyń ishinde 139 myń oryn jastarǵa tıesili eken. Sondyqtan da ýaqytsha jumys ornyn ashý úshin bólinetin qyrýar qarajat jelge ushpaıdy. Sebebi myńdaǵan jasty turaqty jumyspen qamtýdyń baspaldaǵy osy bolmaq kórinedi.
