primeminister.kz
Á.Smaıylov Qazaqstan men Fransııa energetıka salasynda baıyrǵy strategııalyq áriptes ekenin basa aıtty. «Orano – bizdiń osy baǵyttaǵy mańyzdy jáne senimdi seriktesimiz. Kompanııa Qazaqstanda 27 jyl boıy tabysty jumys istep keledi. Bul oraıda, «KATKO» birlesken kásiporny – uzaq merzimdi jáne ózara tıimdi seriktestiktiń dáleli. Biz yntymaqtastyqty odan ári damytý múmkindikterin qarastyrýǵa daıynbyz», dedi Premer-mınıstr.
Nıkolas Mas Orano-nyń Qazaqstanmen ózara is-qımyldy keńeıtýge qashanda yqylasty ekenin ańǵartty. «Qazirgi ýaqytta bizge eki taraptan da ózara is-qımyldy keńeıtýge yqpal ete alatyn iri jobalar jetispeıdi. Sol sebepti búgin men qarym-qatynasymyzdy naqty jobalar negizinde jańǵyrtýdy usynǵym keledi», dedi ol. N.Maspen kezdesýgeEnergetıka mınıstrligi, «Samuryq-Qazyna» AQ jáne «Qazatomónerkásip» ulttyq kompanııasynyń ókilderi qatysty. Orano S.A. kompanııasy Fransııanyń atom ónerkásibi salasyndaǵy irgeli ujymnyń biri. Atom energetıkasy onyń ishinde ýran óndirý, óńdeý jáne baıytý, ıadrolyq otyndy tasymaldaý, radıoaktıvti qaldyqtardy kádege jaratý syndy salany qamtıdy.
