«Uly derjavalar qaıta gegemon atanýǵa umtylyp jatqan, al basqa elder boljap bolmaıtyn kúıge túsken álemde jańa perspektıvalar qurýǵa bolatyn seriktesiń men dostaryńa arqa súıeı alatynyńdy bilgen jaqsy. Osyndaı elderdiń qatarynda Qazaqstan men Fransııa bar», dep jazdy E.Makron.
Sondaı-aq ol bolashaqta jastar eki el arasyndaǵy yntymaqtastyqty odan ári nyǵaıtatynyna senim bildirdi.
«Búgin Qazaqstan men Fransııa arasynda birqatar kelisimge qol qoıyldy. Bul kelisimder arqyly kóptegen másele óz sheshimin ońtaıly tabady. Astanada kezdesken jastar dostyǵymyzdyń kórinisi. Olar mádenıetterimiz ben tilderimizdi baılanystyratyn býyn», dedi Fransııa prezıdenti.
Aıta keteıik, 2023 jyldyń 1 qarashasynda Fransııa prezıdenti Emmanýel Makron Qazaqstanǵa resmı saparmen keldi. Ony elorda áýejaıynda Premer-mınıstr Álıhan Smaıylov kútip aldy.
Qasym-Jomart Toqaev Fransııa basshysyn Aqorda rezıdensııasynda saltanatty túrde qarsy aldy. Memleket basshylary arasynda shaǵyn jáne keńeıtilgen quramda kelissózder ótti. Qazaqstan Prezıdenti Emmanýel Makronnyń saparyn tarıhı dep atady.
Qasym-Jomart Toqaev pen Emmanýel Makron ekijaqty kelissózder sońynda BAQ ókilderine birlesken málimdeme jasady.
Qasym-Jomart Toqaev Qazaqstanǵa resmı saparynyń sońynda Emmanýel Makrondy elorda áýejaıynda ózi shyǵaryp saldy. Al 2 qarashaǵa qaraǵan túni Fransııa basshysy О́zbekstanǵa resmı saparmen bardy.
Aıta keteıik, bul Fransııa Prezıdentiniń Qazaqstandaǵy alǵashqy sapary boldy.
