Jambyl oblysy: Suranys arta tústi

«Oblys boıynsha 31 gaz jelisi uıymy bar. 226 avtogaz quıý be­ket arqyly suıytylǵan munaı gazy satylyp jatyr. Qazirgi kezde Taraz qalasyndaǵy keıbir avtogaz quıý beketterinde suıytylǵan munaı gazyn lımıtpen nemese talonmen satý úrdisi qalyptasqan.

Búgingi tańda Jambyl oblysynda suıytylǵan gazǵa degen suranys – 8000-10000 tonna. Qajettilikti óteý maqsatynda óńirde aýqymdy jumystar atqarylyp jatyr.

Energetıka mınıstrliginiń yq­pal etýimen Jambyl oblysy úshin «PetroQazaqstanOılProdakts» JShS-nan 2023 jyldyń qarasha aıy­na 5218 tonna suıytylǵan munaı gazy qarastyrylǵan. Qazirgi tańda qarasha aıyna bólingen suıytylǵan munaı gazyna «Petro­Qazaqstan Oıl Prodakts» JShS men kásipkerler arasynda kelisimshart jasalǵan, qarasha aıyna qajetti kólem jaqyn kún­deri oblysqa jóneltilmek», deıdi oblys ákimdigi energetıka jáne turǵyn úı­kommýnaldyq sha­rýashylyq basqarma basshysy oryn­basarynyń mindetin atqarýshy Máýlen Qojaqov.

M.Qojaqov keltirgen derekke súıensek, jaqyn kúnderi «PKOP» JShS 12 vagon-sısternamen 432 tonna munaı gazyn jetkizbek. Suıy­­tylǵan gaz jetkizilgen sát­te ja­nar­maı quıý beketterine teń­deı úles­tiriledi. Sondaı-aq Jam­byl oblysy boıynsha 322 tonna suıy­tylǵan munaı gazynyń qaldyǵy bar.

Jaýapty mamannyń aıtýynsha, 2023 jyldyń 30 maýsymynda Básekelestikti qorǵaý jáne damytý agenttiginiń №8 buıryǵyna sáıkes suıytylǵan gazdyń naryqtaǵy ba­ǵasy bekitilgen. Qazirgi tańda ob­lys ortalyǵy Taraz qalasy men oǵan jaqyn aýdandardaǵy avto­gaz toltyrý beketterinde suıy­tyl­­ǵan munaı gazynyń 1 lıtri 71 teń­ge­den satylyp jatyr. Al shalǵaıda ornalasqan aýdan­darda gaz baǵasy – 76 teńge.