Gazdyń kólemi – shamamen 5,5 myń tonnadaı. Qazirgi qolda bar qor shamamen bir aptadaı ýaqytqa jetedi. Degenmen Pavlodar munaı-hımııa zaýyty kógildir otyndy taratýda jergilikti naryqqa basymdyq beretinin eskersek, óńirdegi beketterge gaz jetkizýde kúrdeli másele joq. Tek ótken aıda zaýyttan tıeýde biraz qıyndyqtar týyndady. Buǵan Atyraýdaǵy munaı óńdeý zaýytynyń jóndeýge toqtaýy sebep bolǵan. Osyǵan oraı keıbir gaz beketterine otyn túri ýaqytynan kesh tústi.
– Suıytylǵan gazdy ótken aıda ózge oblystar bizdiń aımaqtan kóbirek satyp ala bastaǵanyna oraı ónimdi tıeýde kezek qalyptasyp qaldy. Osy sebepten keıbir jergilikti shaǵyn beketterde irkilister bolýy múmkin. Deıturǵanmen, qazirgi ýaqytta oblysta gaz qory jetkilikti, 1200 tonna suıytylǵan gaz bar. Gaz baǵasy beketterde 74-79 teńge kóleminde ustalyp tur. Beketter qalasa, naryqtaǵy gaz bırjasyna qatysyp, ımport otyndy ákele alady, – deıdi óńirlik energetıka jáne turǵyn úı-kommýnaldyq sharýashylyq basqarmasy bólim basshysynyń mindetin atqarýshy Álisher Temirtas.
Qazirgi ýaqytta gaz tek «Monolıt» beketterinde ǵana talonmen satylyp jatyr. О́zgesinde ashyq satylymda. О́ńir boıynsha 14 kompanııa avtogaz satýmen aınalyssa, olarǵa jalpy sany 86 beket tıesili.
