Foto: Turizm_jane_sport_ministrligi
Mınıstr erli-zaıypty sportshylarǵa Prezıdenttiń arnaıy Alǵys hatyn tabystap, álem chempıonatyndaǵy jetistikterin joǵary baǵalap, aldaǵy ýaqytta da el namysy synalatyn mańyzdy týrnırlerde tabysty óner kórsetýine tileýlestigin bildirdi.
«Keıingi jyldary elimizde karate sporty qarqyndy damyp kele jatyr. Buǵan sizderdiń qosyp júrgen úlesterińiz orasan zor. Jýyqta Qytaıdyń Hanchjoý qalasynda uıymdastyrylǵan Jazǵy Azııa oıyndarynda ekeýińiz de júldegerler qatarynan kórinip, jankúıerlerdi qýanysh pen shattyqqa bóledińizder. Endi mine, arada kóp ýaqyt ótpeı álem birinshiliginde de tuǵyrdyń eń bıik satysynan kórindińizder. Sizderge aldaǵy ýaqytta da el namysy synalatyn mańyzdy týrnırlerde tabys tileımin», dedi mınıstr.
Majarstanda ótken álem chempıonatynyń fınalynda Móldir Jańbyrbaı (50 kg) ıtalııalyq Ermınııa Perfettony sabasa, 67 kg-ǵa deıingi salmaqta synǵa túsken Dıdar Ámiráli Iordanııa sportshysy Afıf Gaıtti jeńip, qola medal enshiledi.
