foto: boxingkazakhstan_instagram.com
Elimizdiń jas boksshylary 2023 jylǵy Azııa chempıonatynda bes altyn, bes qola júldeni jeńip aldy.
Búgin, 3 qarashada Azııa chempıonatynda Elıanur Turǵanova (50 keli), Uljan Sársenbek (57 keli), Ásem Tańatar (63 keli), Baqyt Seıdesh (66 keli) jáne Shuǵyla Nalybaı (75 keli) jeńis tuǵyrynyń eń bıik satysyna kóterildi.
Bizdiń qyzdar arasynda Qazaqstan jasóspirimder quramasynyń eki múshesin erekshe atap ótýimiz kerek. Birinshiden, bul úsh dúrkin Azııa chempıony atanǵan Uljan Sársenbek. Odan keıin Baqyt Seıdesh Azııa týrnıriniń «altynyn» ekinshi ret jeńip otyr.
Atalǵan týrnırde Tomırıs Myrzaqul (54 keli), Áıgerim Qabdolda (60 keli), Azıza Isına (70 keli), Ánel Qalysova (80 keli) jáne Úmit Ábilqaıyr (+80 keli) qola medaldiń ıegerleri atandy.
Jalpy komandalyq medaldyq esepte Qazaqstan quramasy birinshi orynda. Odan keıingi orynda Úndistan sportshylary: 4 altyn, 6 kúmis jáne 2 qola medal. Úshinshi orynda О́zbekstan (3/6/3).
