Jańashyldyqqa bet burǵan máslıhat

Jergilikti máslıhattarǵa en­gizile bastaǵan jańa júıe – res­pýblıka boıynsha qolǵa alyn­ǵan qanatqaqty joba. О́ńirlik depýtattar korpýsynyń jańa tujyrymyna súıensek, joba negizgi úsh baǵyttan turady. Áýeli halyqpen jumys isteýdiń ádis-tásilderi jańasha formatqa kóshiriledi. Bul rette el senip saılaǵan azamattardyń kópshilikke qoljetimdi ári ashyq bolýy talap etilip otyr. Jurtshylyqtan kelip túsken shaǵymdar men usynys-tilekterdi taldap, olardy baǵalaýǵa basymdyq beriledi. Taldaýǵa basymdyq bere otyryp, turaqty komıssııalardyń arnaıy jumys kestesi túziledi. «Ashyq ákimdik» keńselerinde azamattardy qa­byldaý júrgizilip, ár juma kúni depýtattar tek óz partııalarynyń jumysymen shuǵyldanbaqshy. Iаǵnı halyq­pen kezdesip, kóshpeli kezdesý­ler uıymdastyrady. Eńbek qaýip­sizdigin uıymdastyrý, eńbek zańnamasynyń saqtalýy men otbasy-demografııalyq saıasaty boıynsha depýtattyq toptar, sondaı-aq jas saıasatkerler klýby men aqsaqaldar keńesi qurylady dep kózdelip otyr.

– Biz burynǵy eski taptaýryn tásilderden arylýymyz kerek. Árbir máseleni taldaı otyryp, ómirdiń kez kelgen salasyndaǵy, onyń ishinde densaýlyq saqtaý, bilim, qurylys, ózge de sektorlar bolsyn, áýelgi bette she­shilýge tıis túıtkilderdi anyq­taý­dyń múmkindigi týady. Jyl sońyna deıin alǵashqy taldaýlarymyz da paıda bolady dep úmittenemiz. Jurtshylyqpen  baılanys jaqsarýynyń nátı­jesinde máslıhattar qabyl­daıtyn sheshimderdiń 90 paıyzy halyq suranysy men olardyń qajettilikterine oraı jasalmaq. Azamattarmen jumys isteıtin jańa sektordyń qurylýy máslı­hat­tardyń jumysyn qoljetimdi ári ashyq ete túsedi. Al óz keze­gin­de áriptesterimiz saılaýshy­lary qandaı qıyndyqtarǵa jıi ushyrasatynyna, olardyń usy­nys-tilekterin ýaqtyly bilip, qabyldanǵan sharalardyń tıimdi atqarylýyna baqylaý jasaı alady, – deıdi Pavlodar oblystyq máslıhatynyń tóraǵasy Ilıa Terenchenko.

Tıimdilik turǵysyn sóz eter bol­saq, depýtattar týraly máli­met­ter uıaly telefondardaǵy aq­parattyq qosymshalarda kó­bi­rek bolýy talap etiledi. Má­se­len, úlken shaharlarǵa tanymal «2 GIS» qosymshasy búginde Pavlodar turǵyndary úshin ká­dimgideı depýtattyq anyq­ta­maǵa aınalyp úlgerdi. Onda ár azamat ózi turatyn okrýgtiń shekarasyn qarap, sol aýmaqtan qalalyq máslıhatqa saılanǵan depýtattyń aty-jónin, baılanys nómirleri men áleýmettik jeli­degi paraqshalaryn, qabyldaý kes­tesi men mekenjaılaryn kóre alady.

Pavlodar qalalyq máslıha­tynyń tóraǵasy Qobylanbek Qojınniń aıtýynsha, qosym­sha­daǵy bul jańashyl­dyq­tar úshin bıýdjettiń birde-bir tıy­ny shyǵyn bolmapty. Noý-haýǵa Kókshetaý men ózge de qa­la­lar­daǵy depýtat áriptesteri qy­zy­­ǵý­shylyq tanytyp otyrǵan sy­ńaı­ly. «Biz qanatqaqty negizde WhatsApp qosymshasy arqyly jıi qoıylatyn saýaldarǵa avto­mattandyrylǵan jaýaptar tizbe­gin iske qostyq. Aldaǵy ýaqytta qaı depýtat nendeı máse­le­men shuǵyldanyp jat­qa­nyn da ańǵaratyn bolamyz. Jańa­shyl­dyq­tar odan ári jetil­di­rile tú­sip, ońtaıly sıfrlyq tásilder en­gizile beredi», deıdi ol.

Ekinshi baǵyt oblystyq más­lı­hat­tyń jergilikti más­lıhat­tarmen birlesýine arnalyp otyr. Oblystyq más­lıhattyń de­pýtaty Asylbek Týǵanbaı óz árip­testeri úshin bul úlken múm­kindikter týdyratynyn jet­kizdi. Keı jaǵdaıda aýdan-qalalardaǵy máslıhat depýtattary máseleni sheshý barysynda tyǵyryqqa tireletini belgili. Mundaı sátte oblystyq jáne jergilikti máslıhattardyń halyq qalaýlylary bir topqa birigip, túıtkildiń túıinin tar­qa­tý­ǵa árekettenip kóredi. Eger ony oblys deńgeıinde sheshý múmkin bolmasa, birlesken top ári qa­raı Parlament Májilisindegi árip­testerinen kómek suraıdy. «De­pýtattar saılaý al­­dynda bergen ýádelerin oryndaý úshin formaldy jaýaptardy doǵarýy kerek. Jurtshylyqtyń senimi men jaýapkershiligi bári­nen joǵary. Mysaly, ózimdi Pavlodar qala­syn­daǵy №5 okrýg­tiń tur­ǵyn­dary saılady. Jaýap­ker­­shi­li­gime Saryarqa, MDS, «Dıs­pet­cher», «Zelenstroı» shaǵyn aýdan­dary enip otyr. Bıyl jaz boıy «Zelenstroıda» káriz júıesi salynyp, merdiger onyń qurylysynda kóp aqaý jiberdi. De­pýtattar únemi baqylaý júr­gizip, aqyry jaýapty kompanııa áý bastaǵy kemshilikterin túzetti. Azamattar usynys-tilek­te­rin aıtqanda olardy áýeli anyqtap, taldap baryp qana she­shim qabyldaǵan abzal. Onyń ústine bıyl óńirde qurǵaqshylyq bolyp, kóp fermerdiń egini kúıip, shabyndyqtardyń basym bóliginde shóp shyqpaı qaldy. Más­lıhattaǵy agrarlyq má­se­le­ler jónindegi turaqty ko­mıssııanyń múshesi retinde sharýa­larǵa kómek kórsetýge ba­ǵyt­talǵan is-sharalardyń basy-qasynda júrdik. Kóp dúnıe depýtattardyń qolynda emes, áıtse de óz quzyretimizdiń sheń­be­rinde jumysymyzdy adal atqarýǵa tyrysamyz», deıdi ha­lyq qalaýlysy.

Jańa formattaǵy baǵyttyń sońǵysy – jergilikti depýtat­tar korpýsynyń bilimin kóterý. Bul úshin memlekettik qyzmet akademııasynyń mamandaryn sha­qyryp, depýtattar úshin arnaıy semınarlar júr­giziledi. Bes saýsaqtyń bir­deı bolmaıtyny sııaqty, ár de­pý­tattyń bilim-biligi de ár­túr­li. Soǵan saı olar­dyń ha­lyq­pen jumys isteý­degi saýat­tyly­ǵyn kóterý, quzyretin arttyrý kózdelip otyr. Mysaly, óńir­de keıingi jyldary turǵyn úı-kom­mýnaldyq sharýa­shy­lyq sala­syn­daǵy túıtkilder 5-6 esege kemigen. Buǵan deıin más­­lıhatqa saılanǵan aza­mat­tyń kóbi osy salaǵa maman­dan­­ǵa­nyn ómirdiń ózi talap etetin. Al qazirgi kúni kerisinshe densaýlyq saqtaý, MÁMS, bilim berý sala­la­ryn­daǵy máseleler kóbeıe tús­keni baı­qalady. Iаǵnı depýtattar endigi jerde osy baǵyttarǵa kó­birek kóńil aýdarýǵa tıis. Jo­ǵaryda aıtqandaı, halyqpen jumys isteýdiń ádis-tásilderi taldaý turǵysynan jańarǵanda ǵana belgili bir nátıjelerge ıek artýǵa bolady. Sondyqtan más­lı­hattardyń turaqty komıssııa­larynda kóteriletin máse­leler azamattardyń talap-tile­ginen, kóshpeli kezdesýlerden keıin quralýy shart.

Memleket basshysy Qasym-Jomart Toqaev óz Jol­daýynda máslıhattardyń ózek­ti má­se­le­lerdi sheship, aı­maq­tardaǵy tur­mys sapasyn jaq­sartýǵa áser ete alatynyn basa aıtqany málim. «Azamat­tardyń ókildi bılikke degen senimin nyǵaıtý úshin máslı­hat­tarǵa basa mán bergen jón. Myqty máslıhattar ózekti máselelerdiń sheshimin tabýǵa jáne aımaqtardaǵy turmys sa­pasyn jaqsartýǵa áser ete ala­dy», degen edi Prezıdent. Joldaý júktegen mindetter qa­zirgi kúni Ertis-Baıan óńirindegi máslıhattarda qanatqaqty tur­ǵyda júzege asa bastaǵany kóp­shi­likti qýantyp otyr. Saıası tur­ǵydan jańarýy nátıjesinde máslıhattar jergilikti ózin-ózi bas­qarý júıesindegi sheshýshi býyn­ǵa aınalady degen senim zor.

Pavlodar oblysy