Sýretterdi túsirgen – avtor
Kóshpeli kórme «Berel» qoryq-mýzeıiniń 15 jyldyǵy qarsańynda uıymdastyrylyp otyr. Berel jazyǵyndaǵy júzden asa qorǵandardy zerttegen arheologter men antropolog ǵalymdar eksponattardyń bizdiń dáýirimizge deıingi V-IV ǵasyrlarǵa tıesili ekenin anyqtaǵan.
– Kórmeni О́skemenge ákelýimizdiń maqsaty qala turǵyndaryn Berelden tabylǵan jádigerlermen tanystyrǵymyz keldi. Kóshpeli kórmemiz jýyqta «Botaı» memlekettik tarıhı-mádenı mýzeı-qoryǵynda bolyp qaıtty. Ol jaqtaǵy el de qyzyǵa tamashalady. О́ıtkeni Berel – elimizdegi organıkalyq zattar saqtalǵan jalǵyz eskertkish, – deıdi «Berel» memlekettik tarıhı-mádenı qoryq-mýzeıiniń dırektory Almas Sarbasov.
Kórmede restavrasııadan ótken at ábzelderiniń súıek áshekeıleri, bizdiń dáýirimizge deıingi II-I ǵasyrlarǵa jatatyn №36 saq qorǵanynan alynǵan bulan grıfondary, sonymen qatar II-I ǵasyrlarǵa jatatyn er adam men áıeldiń syrtqy kelbetiniń antropologııalyq rekonstrýksııasy qoıylǵan. Sondaı-aq zoomorfty sapty qola aına, áshekeı buıymdar kórme tórine ornalasqan. Qala turǵyndary kóshpeli kórmeni 1 jeltoqsanǵa deıin tamashalaı alady.
О́skemen
