foto: Abaı oblysynyń ákimdigi
О́rt saldarynan 60 myń gektar orman qory joıylǵan. «Semeı-Ormany» rezervaty Novoshýlbınsk fılıalynyń 14 qyzmetkeri qaza bolǵan.
Tergep-tekserý nátıjesine qaraǵanda qylqanjapyraqty aǵashtyń dińine naızaǵaı túsip (qurǵaq naızaǵaı), jer jamylǵysynyń tutanýyna sebep bolǵan.
Bul nusqa sarapshy, maman qorytyndylarymen, foto/vıdeo túsirilimderimen, kýálardyń aıǵaqtary jáne qylmystyq istiń basqa da qujattarymen rastalady.
О́rt kezinde «Semeı-Ormany» rezervaty jáne Novoshýlbınsk fılıalynyń basshylyǵy ózderine zańmen júktelgen órt sóndirý ókilettikterin oryndamaǵan, jaǵdaıdy teris baǵalaǵan jáne órt sóndirý kezinde qaýipsizdik erejeleriniń saqtalýyn qamtamasyz etpegen, nátıjesinde 14 adamnyń ólimine ákelip soqqan.
«Semeı-Ormany» rezervaty jáne Novoshýlbınsk fılıaly basshylyǵynyń is-áreketteri Qylmystyq kodekstiń 292 babynyń 3 bóligimen saralanyp (órt qaýipsizdigi talaptaryn buzý, abaısyzda eki nemese odan da kóp adamnyń ólimine ákep soǵý, 5 jyldan 10 jylǵa deıin bas bostandyǵynan aıyrý jazasy kózdelgen), «úıqamaq» túrindegi bultartpaý sharasy qoldanyldy.
Ekologııa jáne tabıǵı resýrstar, Tótenshe jaǵdaılar mınıstrlikteriniń laýazymdy tulǵalarynyń áreketsizdik deregimen tirkelgen sotqa deıingi tergep-tekserý jalǵasyp jatyr.
Mamandardyń qorytyndylary alynǵannan soń barlyq laýazymdy tulǵalardyń áreketterine quqyqtyq baǵa beriletin bolady. Qazaqstan Respýblıkasy qylmystyq is júrgizý kodeksiniń 201-babyna sáıkes ózge aqparat jarııa etilýge jatpaıdy.
