T.Qazanǵapov
Shymkent qalasy sottarynyń feısbýktegi paraqshasynda áıelin uryp óltirdi degen kúdikpen ustalǵan burynǵy ulttyq ekonomıka mınstri Qýandyq Bıshibaevtyń túrmeden merziminen buryn bosap shyǵýynyń mán-jaıy belgili boldy.
«Astana qalasynyń qylmystyq ister jónindegi mamandandyrylǵan aýdanaralyq sotynyń 2018 jylǵy 14 naýryzdaǵy úkimimen Q. Bıshimbaev múlki tárkilenip, memlekettik qyzmette laýazymdardy atqarý quqyǵynan ómir boıyna aıyrýmen 10 jylǵa bas bostandyǵynan aıyrýǵa sottaldy (366-baptyń 4-bóligi, 28-baptyń 3-bóligi – 189-baptyń 4-bóliginiń 2-bólimi, QK-niń 58-babynyń 3-bóligi boıynsha).
Jaza óteý merzimi 2017 jylǵy 10 qańtardan ustalǵan jáne ýaqytsha ustaý ızolıatoryna ornalastyrylǵan kezden bastap esepteldi. Sottalýshy óz kinásin moıyndady. Prezıdenttiń 2019 jylǵy 13 aqpandaǵy Jarlyǵymen Q.Bıshimbaevqa raqymshylyq jasalyp, onyń jazasy 10 jyldan 4 jylǵa deıin qysqartyldy.
Osyǵan baılanysty Bıshimbaev sotqa jazanyń ótelmegen qalǵan 1 jyl 3 aı 13 kún merzimin óteýden shartty túrde merziminen buryn bosatý týraly ótinishhat joldady. Onyń shartty túrde merziminen buryn bosatylýy zań talaptaryn tolyǵymen qanaǵattandyrdy: jazasyn óteý merziminiń 2/3 bóligin ótegen, mekeme ákimshiligimen oń sıpattalǵan, 4 kótermeleý bolǵan, qasaqana zań buzýshylyqtar bolmaǵan, 1,5 mıllıonnan astam somaǵa prosessýaldyq shyǵyndar ótelgen.
Sondyqtan Shymkent qalasynyń Abaı aýdandyq sotynyń qaýlysymen 2019 jylǵy 25 qyrkúıektegi K.V. Bıshimbaevtyń ótinishhaty qanaǵattandyryldy.
Q. Bıshimbaev 2019 jyldyń 11 qazanynda bosatylyp, probasııalyq baqylaýǵa alyndy», delingen habarlamada.
Shartty túrde merziminen buryn bostandyqqa shyqqan Qýandyq Bıshimbaevqa kesilgen úkim 2021 jyldyń 9 qańtarynda aıaqtalǵan bolatyn.
