Tájirıbe shyńdaıtyn alań

Kongreske pýlmonolog, ftızıatr, torakaldy hırýrg, allergolog, reanımatolog, kardıolog, endokrınolog, pedıatr, terapevt, t.b. tájirıbeli dáriger mamandar qatysty. Salanyń bilgir mamandary ókpeniń ınterstısıaldy aýrýlaryn, bronh demikpesin emdeýdiń zamanaýı tásilderin, aýyr demikpeni, tynys alý organdarynyń onkologııalyq aýrýlaryn emdeýdiń zamanaýı ádisterimen qosa taǵy birneshe máseleni qarastyrdy. Sebebi kongress respıratorlyq medısına salasyndaǵy óńirlerdiń bas mamandarymen ózekti máselelerdi talqylaýǵa, eldegi pýlmonologııalyq qyzmettiń jáne onymen baılanysty baǵyttardyń jumysyn qorytyndylaýǵa arnaldy.

Bul is-sharanyń ótýine Astana medısı­na­ ýnıversıtetiniń ujymy bir kisideı úles qos­ty. Ýnıversıtettiń jetekshi mamandary pýl­mo­no­lo­gııadaǵy ozyq bilim berý tehnologııalary men ınnovasııalyq ǵylymı baǵyttardy oqý qural­da­ryna engizýden kende qalǵan emes. Pýlmonologııa boıynsha rezıdentýra baǵdarlamasy ýnıversıtette 2011 jyldan bastap iske asyp keledi. Bul baǵytty 100-den asa rezıdent ıgergen. Osy kúni ótken dóńgelek ústel barysynda jetekshi otandyq jáne sheteldik mamandar, Eýropalyq Respıratorlyq qoǵamnyń ókil­deri qatysty. Sondaı-aq kongreste respırator­lyq medısına salasynda qoldanylatyn dárilik zat­tar, medısınalyq buıymdar men jab­dyqtar jónin­de posterlik sessııa, kórme uıymdastyryldy.