Foto: gov.kz
«Sý resýrstary jáne ırrıgasııa mınıstri Nurjan Nurjigitov Qyrǵyz Respýblıkasynyń Aýyl sharýashylyq mınıstri Asqarbek Jánibekovpen kezdesip, Shý jáne Talas ózenderindegi memleketaralyq paıdalanýdaǵy sý sharýashylyǵy qurylystaryn paıdalaný jónindegi birlesken Komıssııaǵa tıisti tapsyrma júkteldi. Elimizge sý jiberýdi jaqsartý úshin memleketaralyq paıdalanýdaǵy sý sharýashylyǵy nysandarynyń tizbesin keńeıtý qajettigi de aıtyldy. Bul tizbege Kúrkiresý ózenindegi qurylystarymen «Aqmolda», «Qarataqy» jáne «Tómentamǵa» arnalaryn, Shý ózenindegi «Kolos» kanalyn jáne Talas ózenindegi qurylystarymen birge «Koj» kanalyn engizýdi usynady», delingen aqparatta.
«Bıyl Jambyl oblysynyń sharýalary Shý jáne Talas ózenderiniń basseınderinde sýarmaly sý tapshylyǵyn sezindi. Sondyqtan osyndaı jaǵdaıdyń qaıtalanýyna jol bermeý úshin qyrǵyz áriptesterimizben birge Shý jáne Talas ózenderiniń basseınderinde kelesi vegetasııalyq kezeńdi durys josparlaý boıynsha jumysty aldyn ala jasaý óte mańyzdy», dedi N.Nurjigitov. Shý jáne Talas ózenderinde memleketaralyq paıdalanýdaǵy sý sharýashylyǵy qurylystaryn paıdalaný jónindegi birlesken Komıssııanyń kelesi otyrysy 14 jeltoqsanda Almaty qalasynda ótedi.
Sý resýrstary jáne ırrıgasııa mınıstri N.Nurjigitov buǵan deıin Qyzylorda, Túrkistan oblystaryna sý jiberý jóninde О́zbekstan tarapymen de kelisim jasasqan bolatyn.
