Vıse-mınıstrdiń aıtýynsha, qarjyny ıgermeýdiń negizgi sebebi − konkýrstyq rásimderdi uzaq merzimde ótkizý, ónim berýshilerdiń taýarlardy ýaqtyly ne tolyq jetkizbeýi, bıýdjettik baǵdarlamalardy (kishi baǵdarlamalardy) iske asyrý jóninde normatıvtik quqyqtyq aktilerdi ýaqtyly qabyldamaý, shot-faktýralar, atqarylǵan jumys aktileriniń der kezinde usynylmaýy.
«Jergilikti bıýdjettiń shyǵystary 10 trln teńgeni qurady. Atqarylmaǵany - 294 mlrd teńge. Bıyl óńirlerge 2 trln teńgege jýyq nysanaly transfertter kózdelgen. Olarǵa 1 qarashaǵa 1 trln 261 mlrd teńge bólingen. Onyń 94,4 paıyzy ıgerilgen. Atqarylmaǵany – 71 mlrd teńge, onyń ishinde 2 mlrd teńge – únemdelgen qarjy quramyna kirip otyr. 69 mlrd teńge ıgerilmegen. Eń kóp bıýdjet qarjysyn ıgermegen Astana jáne Almaty qalalary, Mańǵystaý jáne Aqmola oblystary», dedi ol.
Al, mınıstrlikter boıynsha qarjyny ıgermeýdiń iri somalary Ishki ister, Mádenıet jáne aqparat, Sý resýrstary jáne ırrıgasııa, Ekologııa jáne tabıǵı resýrstar mınıstrlikterinde qalyptasqan.
«Memlekettik bıýdjettiń shyǵystary - 98,2, respýblıkalyq bıýdjettiń shyǵystary – 99,4, jergilikti bıýdjetterdiń shyǵystary 97,2 paıyzǵa oryndaldy. Respýblıkalyq bıýdjet boıynsha somasy 18 trln teńgege shyǵystar júrgizildi. Atqarylmaý 107 mlrd teńgeni qurasa, onyń ishinde, únemdeý 16 mlrd teńge boldy. Igerilmegeni – 91 mlrd teńge», dedi Qarjy vıse-mınıstri Dáýren Temirbekov.
