Oblys ákimi Serik Shápkenov jańa basshyny ákimdik otyrysynda tanystyrdy.
Polymbet Hasanov 1980 jyly Inder aýdanynda dúnıege kelgen. Eki joǵary bilimi bar. Qazirgi zamanǵy gýmanıtarlyq ýnıversıtetin zańger mamandyǵy boıynsha bitirgen. Al, H. Dosmuhamedov atyndaǵy Atyraý memlekettik ýnıversıtetinen ekonomıka jáne basqarýdaǵy bıznes-analıtıka magıstri dárejesin alǵan.
Eńbek jolyn 2002 jyly oblystyq ishki ister departamentiniń júıesinde bastaǵan. Ishki ister organdaryndaǵy jumysyn 2005 jylǵa deıin jalǵastyrǵan. 2005-2006 jyldary oblystyq kásipkerlik jáne ónerkásip departamentiniń bas mamany, 2006-2010 jyldary oblys ákimi apparatynda bas maman, bas ınspektor bolǵan.
2010-2014 jyldar aralyǵynda Maqat aýdany ákimi apparatynyń basshysy, aýdan ákiminiń orynbasary bolyp jumys istegen. 2014 jyly oblystyq jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary, 2014-2019 jyldar aralyǵynda Atyraý qalasy ákimi apparatynyń basshysy, keıinnen Atyraý qalasy ákiminiń orynbasary, 2019-2021 jyldar aralyǵynda oblys ákimi apparaty basshysynyń orynbasary laýazymyn atqarǵan.
2021 jyldan osy taǵaıyndaýǵa deıin Isataı aýdany ákimi qyzmetin atqaryp keldi.
