Qoǵamdyq tártipti nasıhattaýǵa arnalǵan kezdesýler elordanyń árbir aýdanynda ornalasqan mektepterde uıymdastyrylady.
Aıta keterligi, Memleket basshysy daladaǵy, kóshedegi vandalızm, keıbir azamattarymyzdyń tártipsizdigi, mádenıetsizdigi, neshe túrli turmystyq janjaldar elimizdiń halyqaralyq arenadaǵy abyroıyna nuqsan keltiretinine basa nazar aýdardy. Memleket basshysynyń atalǵan Joldaýy aıasynda bıyl elordada vandalızmmen kúres jumysy kúsheıtildi.
№10 mektep-gımnazııasynda ótken kezdesýge «Qara shańyraq» qoǵamdyq birlestiginiń dırektory, Qazaqstan Respýblıkasy Jýrnalıster odaǵynyń múshesi, tarıhshy, etnolog Turar Sattarqyzy, Baıqońyr aýdany ákiminiń keńesshisi Dáýren Ydyrys jáne aýdandyq Polısııa basqarmasynyń qyzmetkerleri qatysty.
Is-shara barysynda mektep oqýshylaryna vandalızm oqıǵalarynyń aldyn alý boıynsha túsindirme jumystary júrgizildi.
Aıta keteıik, qoǵamdyq tártipti saqtaýǵa jáne qala múlkine uqypty bolý qajet. Kez kelgen quqyq buzýshylyq anyqtalyp, sońy jaýapkershilikke ákeletinin umytpańyz. Ishki tártip, zańǵa jáne ózge adamdardyń quqyqtaryna qurmetpen qaraý – bul qoǵam umtylýǵa tıis normalar.
Aıta keteıik, Memleket basshysy «Ádiletti Qazaqstannyń ekonomıkalyq baǵdary» atty Joldaýynda zańdy qatań saqtaýdy, qoǵamdyq tártipti qamtamasyz etýdi tapsyrǵan bolatyn.
