Sýret Seıtjan Suńǵattyń jeke muraǵatynan alyndy
Aqylbek Tomırıs Suńǵatqyzy 14 qarasha tańǵy saǵat 8:10 da dúnıege kelgen. Tomırıstiń anasy Moldasheva Áıkerim 19 jasynda, ákesi Seıtjan Suńǵat 20 jasynda ata-ana atandy. Jas otbasynyń otaý qurǵanyna − 1 jyl.
«ASS Serıktes» JShS órt sóndirýshisi bolyp jumys isteıtin Seıtjan Suńǵat tuńǵyshtarynyń táýelsiz el tarıhynda qalǵanyna asa qýanyshty ekenin jetkizdi.
«Mundaı súıinshi habar bolady dep kútpedik. Dese de Tomırısimizdiń tarıhtyń bólshegi bolǵanyna qýanyshtymyz. Bastysy deni saý bolyp óssin», dedi Jezqazǵandyq 20 mıllıonynshy turǵynnyń ákesi.
Eske salaıyq, búgin saǵat 8.10-da týǵan 5 bala elimizdiń 20 mıllıonynshy turǵyny atandy. Qazaqstannyń mereıli azamattary Ulytaý, Jetisý, Atyraý, Aqmola jáne Túrkistan oblystarynda dúnıege keldi. Olardyń ishinde 3 ul jáne 2 qyz bar.
